ކަރަންޓާ ކުނި ބިލު އެއްކޮށްލައި "ކާފުކާފު ބިލު" ފޮނުވަން ފަށައިފި

ވެމްކޯގެ ކުނި ނެގުމުގެ ހިދުމަތަށް ކުރާ ބިލު ސްޓެލްކޯގެ ކަރަންޓު ބިލުގައި ހިމަނައިގެން ހަދާފައިވާ "ޓައި އަޕް ބިލް"  ނުވަތަ ކުނިކަރަންޓު ބިލު (ކާފުކާފު ބިލު) ގޭގެ އަށް ފޮނުވަން ފަށައިފި އެވެ. 

ސްޓެލްކޯއިން ވަނީ ރޭން ފެށިގެން މިދިޔަ މަހުގެ ކާފުކާފު ބިލެއްގެ ގޮތުގައި ކަރަންޓު ބިލް ފޮނުވަން ފަށާފަ އެވެ.  ގޭގެއަށް ކާފު ކާފު ބިލު ފޮނުވަން ފަށާފައިވާއިރު ބިލުގައި ވެމްކޯ އިން ކުނި ނަގަން ނަގާ ފީއަށްވާ 150ރ. ހިމަނާފައި ވެއެވެ. އެބައި އިންނަނީ ބިލުގެ ތިރީގައި ވަކިން އެނގޭނެ ގޮތަށެވެ. ބިލުގައި ކުނީގެ ފީ އާއި ކަރަންޓް ފީ އެކުވުމުން ބިލު ބަދަލުވަނީ ކާފުކާފު ބިލަކަށެވެ. 

ސްޓެލްކޯގެ ކަރަންޓު ބިލުގައި ކުނީގެ ފީ ހިމަނައި ކާފުކާފު ބިލަކަށް ބަދަލުކޮށް ފޮނުވާން ފަށާން ނިންމީ ވެމްކޯއަށް ކުނި ބިލް ނުދެއްކުމުގެ ސަބަބުން އެ ކުންފުންޏަށް ގެއްލުން ވަމުން ދާން ފެށުމުންނެވެ. 

ވެމްކޯ ކުނި ބިލާއި ކަރަންޓު ބިލު އެއްކޮށްލައި ކާފުކާފު ބިލެއް ހެދުމުން ވެމްކޯއަށް އިތުރަށް 2.5 މިލިއަން ރުފިޔާ ލިބޭނެ އެވެ. މިހާރު މާލޭގައި 50،000 އަށްވުރެ ގިނަ މީޓަރު ހުރިއިރު މިހާރު މާލޭން ކުނި ބިލު ދައްކަނީ މާލޭގެ ގާތްގަނޑަކަށް 24،000 ގޭބިސީއަކުންނެވެ. ވެމްކޯއިން ކުނި ނެގި ނަމަވެސް ގާތްގަނޑަކަށް 85 ޕަސެންޓް މީހުން ބިލު ނުދައްކައި ތިބެ އެވެ.