ޕެރަޑައިސް އައިލެންޑް ރިސޯޓް ވިލާ ނޯޓިކާ އަށް ބަދަލުކޮށްފި

ވިލާގެ ރިސޯޓުތައް ރީބްރޭންޑްކޮށް ޒަމާނީ ބަދަލު ގެންނަން ކުރަމުން ގެންދާ މަސައްކަތްތަކުގެ ތެރެއިން މާލެ ކައިރީގައި އޮންނަ ޕެރަޑައިސް އައިލެންޑް ރިސޯޓް ވިލާ ނޯޓިކާ އަށް ބަދަލު ކޮށްފި އެވެ. 

ޕެރަޑައިސް އައިލެންޑް ރިސޯޓުގައި ބޭއްވި ކުޑަ ހަފުލާއެއްގައި ޕެރަޑައިސް އައިލެންޑް ރިސޯޓުގެ އާ ނަން ބޯޑް ޕެރަޑައިސް ވިލާ ނޯޓިކާގެ ނަން ފެނިގެން ދިޔައިރު މި ބަދަލާއެކު އެ ރިސޯޓުގެ އޮޕަރޭޝަނަށް ވެސް ބޮޑު ބަދަލެއް އަންނާނެ އެވެ. 

މަޝްހޫރު ވިޔަފާރިވެރިޔާ ގާސިމް އިބްރާހިމްގެ ޓޫރިޒަމް ކުންފުނި ވިލާ ހޮޓެލްސްގެ ރީބްރޭންޑުގައި އިސްކޮށް ހަރަކާތްތެރި ވަނީ އެ މަނިކުފާނުގެ ދޮށީ ދަރިކަލުން އިބްރާހިމް ސިޔާދު ގާސިމެވެ.  

ސިޔާދު ވިދާޅުވެފައިވާ ގޮތުގައި މި ބަދަލާއެކު އޭނާގެ ބައްޕާފުޅު ދިވެހި ބްރޭންޑެއްގެ ގޮތުގައި ތަރައްގީކުރި 40 އަހަރުގެ ޓޫރިޒަމް މަރުކާ އާ ހަރުފަތަކަށް ދަތުރު ކުރާނެ އެވެ. އެ ކުންފުނީގެ ހުންގާނުގައި ހިފައިގެން ހުންނަވަން މިވަގުތު އޭނާއަށް ފުރުސަތު ލިބުމަކީ ލިބި ވަޑައިގެންނެވި ބޮޑު ފަހުރެކެވެ. 

"މިއީ ވާދަވެރި ބަދަލެއް ނޫން. މިއީ އުފެއްދުންތެރިކަން ރަމްޒު ކޮދޭނެ ބަދަލެއް. އާ ހަރުފަތަކަށް ކުރިއަށް ގެންދަން ކުރާ އުންމީދެއް،" ސިޔާދު ވިދާޅުވި އެވެ.

އެ ކުންފުނިން އިއުލާނު ކޮށްފައިވާ ބަދަލާއެކު އދ. އަތޮޅު ހޮލިޑޭ އައިލެންޑް ކޮންމެ ކޮޓަރިއެއްގައި ޕޫލް ހިމެނޭ ގޮތަށް 68 ކޮޓަރިއާއެކު ވިލާގެ އެންމެ މަތީ ރިސޯޓުގެ ގޮތުގައި އަންނަ އަހަރު ހުޅުވާނެ އެވެ. އަދި ކ. އަތޮޅު ފަން އައިލެންޑް އިތުރަށް ތަރައްގީކޮށް ހުޅުވަން ޕްލޭންކޮށްފައި ވަނީ 2027 ގަ އެވެ. ރޯޔަލް އައިލެންޑް ހުޅުވަނީ 2025 ގަ އެވެ.

އަދި އެއްފަހަރު ކިޔާލަން -- ވިލާ ރީބްރޭންޑަކަށް؛ ޕެރަޑައިސް ވިލާ ނޯޓިކާއަށް، ސަން ވިލާ ޕާކަށް