"އެލައިޑް ފެސްޓް" އަންނަ ހޮނިހިރުގައި

އެލައިޑް އިންޝުއަރެންސް އިން ކުޑަކުދިންނަށް ހާއްސަކޮށް ބާއްވާ "އެލައިޑް ފެސްޓް" އަންނަ ހޮނިހިރު ދުވަހު ބާއްވަން ނިންމައިފި އެވެ.

މިއީ އެލައިޑުގެ "އެލައިޑް ފެސްޓް" ބާއްވާ ދެވަނަ އަހަރެވެ. 

މި ފެސްޓިވަލް ބާއްވަނީ ހޮނިހިރު ދުވަހު ހަވީރު 4:00 އިން އިރުއޮއްސި 6؛00 އަށެވެ. ފެސްޓިވަލް ކުރިޔަށް ގެންދާނީ ހުޅުމާލެ ސެންޓްރަލް ޕާކުގަ އެވެ.

ފެސްޓިވަލުގައި ކުޑަކުދިންނަށް ހާއްސަ ކުޅިވަރުތައް ކުރިޔަށް ގެންދާނެ އެވެ. އެ ގޮތުން ބައެއް ކުޅިވަރުތަކުގެ ތެރޭގައި ފިޝިން، ބީން ބޭގް ޓޮސް، ސްނޭކް އެންޑް ލެޑާ، ޓުވިސްޓާ، އަދި ކުރެހުމާއި ކުލަޖެއްސުމަށް ޝައުގުވެރިވާ ކުދިންނަށް އާރްޓް ކޯނާ އެއް ހިމަނާފައި ވެއެވެ.

ކުޅިވަރުގެ އިތުރުން އެ ކުންފުނީގެ އިންޝުއަރެންސްގައި ހިމެނޭ ލައިފް އެންޑް ފެމިލީ ޕްލޭންތަކާއި ބެހޭ މައުލޫމާތު ބެލެނިވެރިންނަށް ފޯރު ކޮށްދޭނެ އެވެ. އަދި މި ފެސްޓިވަލުގެ ތެރޭގައި ލަކީޑްރޯއެއް ވެސް ކުރިއަށް ދާނެ އެވެ. އެ ލަކީޑްރޯގައި ގުރުއަތުން ހޮވޭ ތިން ކުއްޖަކަށް ހަދިޔާއެއް ވެސް ދޭނެ އެވެ.

އެލައިޑް އިންޝޫރެސްއިން ކުރީ އަހަރު ބޭއްވި "އެލައިޑް ފެސްޓް" އަށް ގިނަ ބައެއްގެ ތަރުހީބު ލިބިފައި ވެއެވެ.