މި އަހަރު އެންމެ ފޯރިގަދަކޮށް އީދު ހަރަކާތްތައް އޮންނާނެ އެއް ރަށަކީ ތޮއްޑޫ އެވެ. އެރަށުގައި ގިނަ ހަރަކާތްތަކެއް އޮންނާނެ އެވެ.
އަންނަ ބޮޑު އީދުގައި ފޯރި ނަގާނެ އެއް ރަށަކީ ތޮއްޑޫގަ އެވެ؛ ކުރިއަށް އޮތް ބޮޑު އީދުގައި އެ ރަށަށް އަރާ މީހުނަށް ފަތިސް ނަމާދަށް ފަހު ހިލޭ ކޮފީ ލިބޭނެ އެވެ. އަދި އީދު ނަމާދަށްފަހު ހެނދުގެ ސައި އޮންނައިރު ރޭގަނޑު އޮންނާނީ ކުލަގަދަ ހަވާ އެރުވުމެކެވެ.
ތޮއްޑޫ ކައުންސިލުން ބުނީ މި އަހަރުގެ ބޮޑު އީދަށް އެ ރަށަށް އަރާ މީހުންނަށް މަރުހަބާ ކިޔަން ތައްޔާރުވަމުން އަންނަ ކަމަށެވެ. މަރުހަބާ ކިޔުން އީދު ދުވަހުގެ ހެނދުނު އޮންނާނެ އެވެ.
ތޮއްޑޫ ކައުންސިލުން ބުނީ އީދަށް ހާއްސަކޮށް އެރަށަށް ދާން ބޭނުންވާ ފަރާތްތަކަށް ފަސޭހަކަމާއެކު ދަތުރު ކުރެވޭނެ ލޯންޗު ދަތުރުތަކެއް އޮންނާނެ ކަމަށެވެ. އަދި އީދުގެ ޝޯ ބަލަން އެ ރަށަށް އެރޭ އަންނަ ޓޫރިސްޓުންނާއި ކައިރި ރަށްރަށުގެ ރައްޔިތުންނަށް ފަސޭހައިން ދެވޭނެ އިންތިޒާމު ތަކެއް ހަމަޖެއްސުމަށް ވެސް މަސައްކަތް ކުރަމުންދާ ކަމަށެވެ.