ތިނަދޫގައި ޑިކޯ ފަރުވާގެ ޗެމްބަރު ބަހައްޓާއިރު މަސްވެރިން ފީނުމުގެ ތެރޭގައި އެންމެ ގިނައިން މީހުން ޑީކޯވާ އެއް އަތޮޅަކީ ހުވަދޫގެ ދެ އަތޮޅެވެ.
ގދ. ތިނަދޫގައި ޑީކޮމްޕްރެޝަން ސިކްނަސް (ޑީކޯ) އަށް ހައިޕަބެރިކް ޓްރީޓްމަންޓް ދެވޭނެ ގޮތަށް ޑީކޮމްޕްރެޝަން ޗެމްބަރެއް ގާއިމްކުރުމުގެ މަސައްކަތެއް އާބަންކޯއިން ފަށައިފި އެވެ.
އާބަންކޯއިން ތިނަދޫގައި ޑީކޯ ޗެމްބަރެއް ބަހައްޓަނީ އާބަންކޯގެ "ބިޔޯންޑު ހުޅުމާލެ ޕްލޭން" ގެ ދަށުންނެވެ. އެ ހިދުމަތް އެރަށަށް ގެންދިޔައިރު އާބަންކޯގެ ޑެޕިއުޓީ މެނޭޖިން ޑިރެކްޓަރު އަހުމަދު ގައިސް އަކީ ތިނަދޫއަށް އުފަން އެރަށުގައި ނުފޫޒު ގަދަ ބޭފުޅެކެވެ.
ތިނަދޫގައި ޑިކޯ ފަރުވާގެ ޗެމްބަރު ބަހައްޓާއިރު މަސްވެރިން ފީނުމުގެ ތެރޭގައި އެންމެ ގިނައިން މީހުން ޑީކޯވާ އެއް އަތޮޅަކީ ހުވަދޫގެ ދެ އަތޮޅެވެ.
ރާއްޖޭގައި މިހާރު ހުންނަނީ ހަތަރު ޑީކޮމްޕްރެޝަން ޗެމްބަރެކެވެ. އެއީ ފުރަތަމަ އެފަދަ ޗެމްބަރެއް ބެހެއްޓި ބަނޑިހާއި ޅ. ކުރެއްދޫ އާއި ކަނޑިންމަ ރިސޯޓާއި އޭގެތެރެއިން މީހުން ދިރިއުޅޭ ރަށެއްގައި ހުންނަ ހަމައެކަނި ޑީކޯ ޗެމްބަރަކީ މާލޭ އޭޑީކޭ ހޮސްޕިޓަލުގައި ހުންނަ ޗެމްބަރެވެ. އޭޑީކޭ ހޮސްޕިޓަލެވެ. އޭޑީކޭގައި އެފަދަ ދެ ޗެމްބަރެއް ބަހައްޓާފައި ވަނީ މި އަހަރުގެ ޖަނަވަރީގަ އެވެ.