އެއްވުން ބޭއްވަނީ ހުކުރު ދުވަހުގެރޭ 8:30 ގައި މާލޭގެ އަލިމަސް ކާނިވަލުގަ އެވެ. މި މައްސަކަތުގެ އިއްތިހާދުގައި ސަރުކާރަށް ތާއީދުކުރާ ޕާޓީތައް ފިޔަވާ އެހެން ސިޔާސީ ޕާޓީތަކެއް ބައިވެރިވެ އެވެ.
ޗާގޯސްގެ މައްސަލާގައި އަންނަ ހުކުރު ދުވަހު އިދި ކޮޅުން އިސްވެ އުފައްދާފައިވާ ގުޅުމަކުން ބާއްވާ އެއްވުމަކީ ބަޣާވާތެއް ގެނައުމުގެ އެއްވުމެއް ކަމަށް ރައްޔިތުންގެ މަޖިލީހުގެ މަކުނުދޫ ދާއިރާގެ މެންބަރު މުހައްމަދު ރާއީ ތުހުމަތު ކުރައްވައިފި އެވެ.
ހުކުރު ދުވަހު ބާއްވަނީ އިހުތިޖާޖު ކުރުމުގެ އެއްވުމެކެވެ. "ބާނަ ބާނާ ތިއްބާ ތިޔަ ވިއްކާލީ ކަނޑު" މި ނަމުގައި މި ބޮޑު އެއްވުން ބާއްވަނީ އިދިކޮޅު ޕީޕީއެމުން އިސްވެ އުފައްދައިގެން އުޅޭ، ކަނޑުވިއްކުމާ ދެކޮޅު އިއްތިހާދަކުންނެވެ.
އެއްވުން ބޭއްވަނީ ހުކުރު ދުވަހުގެރޭ 8:30 ގައި މާލޭގެ އަލިމަސް ކާނިވަލުގަ އެވެ. މި މައްސަކަތުގެ އިއްތިހާދުގައި ސަރުކާރަށް ތާއީދުކުރާ ޕާޓީތައް ފިޔަވާ އެހެން ހުރިހާ ސިޔާސީ ޕާޓީތަކެއް ބައިވެރި ވެއެވެ.
މެންބަރު ރާއީ މިއަދު މަޖިލީހުގެ ބަހުސެއްގެ ތެރޭގައި ވިދާޅުވީ ޖޫން ދޭއްގައި ކުރަން އުޅެނީ ބަޣާވާތެއް ކަމަށާއި އެ ބަޣާވާތް ކުރަނީ ޗާގޯސް މައްސަލައިގެތެރެއިން ކަމަށެވެ. އޭނާ ވިދާޅުވީ އިދިކޮޅުފެ އެ އެއްވުމުގައި އެއްވެސް ރައްޔިތަކު ބައިވެރި ވެގެން ނުވާނެ ކަމަށާއި ރައްޔިތަކު އަމިއްލައަށް ކުށެއްގެ ތެރެއަށް ނުދާން ވެސް އޭނާ އެދިވަޑައިގަތެވެ.