ޑިމޮކްރެޓްސްއާ ގުޅިވަޑައިގެންނެވި ފެން ކުންފުނީގެ ޗެއާމަން މައުސޫމް އިސްތިއުފާ ދެއްވައިފި
މައުސޫމް ވަނީ މޯލްޑިވްސް ޑިމޮކްރަޓިކް ޕާޓީ (އެމްޑީޕީ) ން ވަކިވެ ވަޑައިގެން އަލަށް އުފައްދަން މަސައްކަތް ކުރާ "ދަ ޑިމޮކްރެޓްސް" އާ ގުޅިވަޑައިގެންފައެވެ.
ފެން ކުންފުނި، އެމްޑަބްލިއުއެސްސީގެ ޗެއާމަން އަހްމަދު މައުސޫމް އެ މަގާމުން މިއަދު އިސްތިއުފާ ދެއްވައިފި އެވެ.
މައުސޫމް މިއަދު ވަނީ މަގާމުން އިސްތިއުފާ ދެއްވާ އެކަން ޕީސީބީއަށް އަންގަވާފައެވެ. މައުސޫމްގެ ސިޓީގައި ވިދާޅުވީ ފެބްރުއަރީ 6، 2019 ގައި އޭނާއާ ހަވާލު ކުރެއްވި އެމްޑަބްލިއުއެސްސީގެ ޗެއާމަންގެ މަގާމުން އިސްތިއުފާ ހުށައަޅުއްވާ ކަމަށެވެ.
އަދި މަގާމުން ވަކިކޮށް ދެއްވުމަށް އެދިވަޑައިގެންފައިވެއެވެ.
މައުސޫމް ވަނީ މޯލްޑިވްސް ޑިމޮކްރަޓިކް ޕާޓީ (އެމްޑީޕީ) ން ވަކިވެ ވަޑައިގެން އަލަށް އުފައްދަން މަސައްކަތް ކުރާ "ދަ ޑިމޮކްރެޓްސް" އާ ގުޅިވަޑައިގެންފައެވެ.
މައުސޫމްގެ އިސްތިއުފާ މި އައީ "ދަ ޑިމޮކްރެޓްސް" އާ ގުޅޭ އެމްޑީޕީގެ ސްލޮޓްތަކުގައި ސަރުކާރުގައި ތިއްބެވި ބޭފުޅުން މަގާމުތަކުން ވަކިކުރައްވާ ދަނޑިވަޅެއްގައެވެ.
މައުސޫމަކީ އެމްޑީޕީގެ ގައުމީ މަޖިލީހުގައި މަކުނުދޫ ދާއިރާ ތަމްސީލް ކުރައްވާ އެ ދާއިރާގެ ރައީސެވެ.
އޭނާ ފާހަގަ ކުރެވިފައި ވަނީ ރައީސް މުހައްމަދު ނަޝީދާއި ވަރަށް އަރިސް ބޭފުޅެއްގެ ގޮތުގަ އެވެ. މައުސޫމަކީ ވިޔަފާރީގައިވެސް ކާމިޔާބު ބޭފުޅެކެވެ. އެމްޑީޕީއަށް ވަރަށް ބޮޑަށް ހަަރަދު ކުރެއްވި ބޭފުޅެކެވެ.
ކޮމެންޓް
Republic of Maldives