ކޮމިޝަންގެ ނިންމުމަށް އިހްތިރާމްކޮށް އެމްއާރްއެމްގެ ނަމުގައި ހަރަކާތެއް ނުހިންގަން ޕާޓީން އެދިއްޖެ
އެމްއާރްއެމުން ބުނީ އެ ޕާޓީން ސިޔާސީ އެއްވެސް ހަރަކާތެއް ނުހިންގުމަށް އަންގާ އިލެކްޝަންސް ކޮމިޝަނުން ސިޓީއެއް ލިބިފައިވާ ކަމަށެވެ.
ސިޔާސީ އެއްވެސް ހަރަކާތެއް ނުހިންގުމަށް އަންގާ އިލެކްޝަންސް ކޮމިޝަންގެ ސިޓީއެއް ލިބިފައިވާތީ މޯލްޑިވްސް ރިފޯމް މޫވްމަންޓްގެ ނަމުގައި މިވަގުތު ސިޔާސީ އެއްވެސް ހަރަކާތެއް ނުހިންގަން އެ ޕާޓީން އެދިއްޖެ އެވެ.
ކުރީގެ ރައީސް މައުމޫން އުފެއްދި އެމްއާރްއެމް އުވާލަން އިލެކްޝަނުން ނިންމީ އިއްޔެ އެވެ. ސިޔާސީ ޕާޓީއެއް ދެމި އޮންނަނީ ދަފުތަރުގައި 3000 މެންބަރުން ހަމަ ނަމަ އެވެ. އެމްއާރްއެމް އުވާލަން ނިންމީ އެ އަދަދަށް މީހުން ހަމަ ނުވެގެން ކަމަށް ބުނެ އެވެ.
އެމްއާރްއެމުން ބުނީ އެ ޕާޓީން ސިޔާސީ އެއްވެސް ހަރަކާތެއް ނުހިންގުމަށް އަންގާ އިލެކްޝަންސް ކޮމިޝަނުން ސިޓީއެއް ލިބިފައިވާ ކަމަށެވެ. އެހެން ކަމުން ޕާޓީގެ އެންމެހާ މެންބަރުންނަށާއި ކޮމިޓީތަކާއި ގުނަވަންތަކާއި ގޮފިތަކަށް ޕާޓީގެ ނަމުގައި މިވަގުތު ސިޔާސީ އެއްވެސް ހަރަކާތެއް ނުހިންގުމަށް އަންގާ ކަމަށެވެ.
އެ ޕާޓީން ބުނީ އިލެކްޝަންސް ކޮމިޝަނުން ޕާޓީ އުވާލަން ނިންމާފައި ވަނީ ގަވާއިދާ ހިލާފަށް ކަމަށެވެ. އެކަން ސާބިތު ކުރުމަށްޓަކައި ކުރަންޖެހޭ ހުރިހާ މަސައްކަތެއް ކުރަމުންގެންދާ ކަމަށްވެސް ބުނެފައިވެއެވެ.
ކޮމެންޓް
2980 މީހުން ޕާޓީގެ ދަފްތަރުގައި ތިބެމެ 20 މީހުން އަލަށް ހޯދަން ނުކުޅެދުނީމާ އަމިއްލަޔަށް ހުއްޓާލުން ރަގަޅީ. މޑޕ އަށް ވަންނަން ރަގަޅު.
ADVERTISEMENT
Republic of Maldives