ޔުކްރޭންގެ އުއްތަމަ ފަނޑިޔާރު ހައްޔަރުކޮށްފި

ރަޝިއާ އާއެކު ބޮޑު ހަނގުރާމައެއްގެ ތެރޭގައި އޮތް ޔުކްރޭނުގެ އުއްތަމަފަނޑިޔާރު ވްސެވޮލޮޑް ކްނިއަޒިއެވް ހައްޔަރު ކޮށްފިއެވެ. އޭނާ ހައްޔަރު ކުރީ 2.7 މިލިޔަން ޑޮލަރު ހިމެނޭ ރިޝްވަތުގެ މައްސަލައެއްގެ ތެރެއިންނެވެ. އެއީ ރިޝްވަރު ހިފުމުގެ ތުހުމަތުގަ އެވެ.

އުއްތަމަ ފަނޑިޔާރާއިު ސުޕްރީމް ކޯޓުގެ އެހެން ފަނޑިޔާރުންނަށް ރިޝްވަތު ހުށަހަޅާފައި ވަނީ ޔޫކްރެއިންގެ ބިލިޔަނަރެއް ކަމުގައިވާ ކޮސްޓިއަންޓިން ޒެވާގޯ ކަމަށް ތުހުމަތު ކުރެއެވެ. އޭނާގެ ވިޔަފާރި ކުންފުންޏެއްގެ އެކައުންޓަކުން ގާނޫނީ ވަކީލުންގެ ޓީމަކަށް 2.7 މިލިޔަން ޑޮލަރު ފޮނުވާފައިވާ ކަމަށާއި، އޭގެ ތެރެއިން 1.8 މިލިޔަން ޑޮލަރު ފޮނުވާފައި ވަނީ ސުޕްރީމް ކޯޓުގެ ފަނޑިޔާރުންތަކަކަށް ކަމަށް ވެއެވެ. 

މި މައްސަލަ އުފުލިފައި ވަނީ އީޔޫގެ މެންބަރަކަށްވާން ޔޫކްރެއިނު ހުށަހަޅާފަ އޮތް އޮތުމުގެ ތެރެއިންނެވެ. އެ މަސައްކަތާ ގުޅިގެން ފުރިހަމަ ކުރަން ޖެހޭ މަސައްކަތް ވެސް ޔުކްރޭނުން ކުރާއިރު އޭގެ ތެރޭގައި ކޮރަޕްޝަން ނައްތާލަން މަސައްކަތް ކުރުމަކީ އީޔޫއަށް ޔުކްރޭނުން ކަށަވަރު ކޮށްދޭން ޖެހޭ ކަމަކަށް ހަދާފައި އޮވެ އެވެ. 


ޔޫކްރޭނުން ބަލާ 2.7 މިލިޔަން ރުފިޔާގެ ކޮރަޕްޝަން މައްސަލައިގެ ތެރެއިން އުއްތަމަފަނޑިޔާރު ވްސެވޮލޮޑް ކްނިއަޒިއެވް ހައްޔަރު ކުރުމާއެކު އޭނާ މަގާމުން އޭނާ ދުރުކުރަން އެ ގައުމުގެ ފަނޑިޔާރުންގެ 140 ފަނޑިޔާރަކު ވަނީ ރުހުން ދީފަ އެވެ.