ތަފާސް ހިސާބުތައް ދައްކާ ގޮތުގައި އަބަދުވެސް ރާއްޖެއަށް އެންމެ ގިނައިން ޓޫރިސްޓުން ގެންނަ ދެ އެއާލައިންއަކީ އެމިރޭޓްސް އާއު ގަތަރު އެއާވޭސް އެވެ. އަދި އެންމެ ގިނަ ފްލައިޓް ބާއްވަމުންދަނީ ވެސް މި ދެ ކުންފުނިންނެވެ. .
ދުނިޔޭގެ އެކި ބައްރުތަކުން 36 އެއާލައިނެއް ރާއްޖެ އަށް އޮޕަރޭޓް ކުރަމުންދާ ކަމަށް ތަފާސް ހިސާބުތަކުން ދައްކައިފި އެވެ.
މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) ގެ މައުލޫމާތުގެ މައްޗަށް ޓޫރިޒަމް މިނިސްޓްރީން އެކުލަވާލާފައިވާ ޓޫރިޒަމް އެރައިވަލްސްގެ އެއާލައިން ސްޓެޓިސްޓިކް ދައްކާ ގޮތުގައި މި މަހުގެ 20 ވަނަ ދުވަހުގެ ނިޔަލަށް 36 އެއާލައިނަކުން ދަނީ ރާއްޖެއަށް ޓޫރިސްޓުން ގެނެސްދެމުންނެވެ،
މި މައުލޫމާތުތަކުގައިވާ ގޮތުން ނަމަ ރާއްޖެއާ އެންމެ ދުރުން ޓޫރިސްޓުން ގެންނަނީ ރަޝިއާ އާއި އޮސްޓްރޭލިޔާއިންނެވެ. ރަޝިއާ އިން ރާއްޖެއަށް މީހުން ގެންނަން އޮޕަރޭޓް ކުރަނީ އެ ގައުމުގެ އޭރޯފްލޮޓް އެވެ. އަދި އޮސްޓްރޭލިއާއިން ޓޫރިސްޓުން ގެންނަނީ އޮސްޓިރިއަން އެއާލައިންސް އިންނެވެ. ރާއްޖެއަށް އެއް ކުންފުންޏެއްގެ ދެ އެއާލައިނަކުން ދަނީ ދަތުރު ކުރަމުންނެވެ. އެއީ އެއާއޭޝިއާ އާއި އެއާއޭޝިއާ ތައިލެންޑް އެވެ.
ތަފާސް ހިސާބުތައް ދައްކާ ގޮތުގައި އަބަދުވެސް ރާއްޖެއަށް އެންމެ ގިނައިން ޓޫރިސްޓުން ގެންނަ ދެ އެއާލައިންއަކީ އެމިރޭޓްސް އާއު ގަތަރު އެއާވޭސް އެވެ. އަދި އެންމެ ގިނަ ފްލައިޓް ބާއްވަމުންދަނީ ވެސް މި ދެ ކުންފުނިންނެވެ.
ޓޫރިޒަމް ތަފާސް ހިސާބުތައް ދައްކާ ގޮތުގައި ރާއްޖެއަށް މި އަހަރުގެ މިހާތަނަށް ޖުމުލަ 626,392 ޓޫރިސްޓުން އައިސްފައިވެ އެވެ. މިއީ މިދިޔަ އަހަރުއައި 527,366 މީހުންނާ އަޅާބަލާނަމަ 18 ޕަސެންޓުގެ އިތުރުވުމެކެވެ. މި އަހަރު ސަރުކާރުން ވަނީ 1.8 މިލިއަން ޓޫރިސްޓުން ގެނައުމުގެ ޓާގެޓެއް ކަނޑަޅާފަ އެވެ.