އިސްލާމީ މަރުކަޒުގައި މިއަދު ހެނދުނު ކުރި އީދު ނަމާދުގެ ޖަމާއާތުގައި ރައީސް އިބްރާހީމް މުހައްމަދު ސޯލިހު ބައިވެރިވެވަޑައިގަތެވެ. އީދު ނަމާދަށްފަހުގައި، ރައީސް ވަނީ އިސްލާމީ މަރުކަޒަށް އީދު ނަމާދަށް ދިޔަ ބައެއް މީހުނާ އީދު ސަލާން ކުރައްވާފައެވެ. އީދުގެ މުނާސަބަތުގައި ރައީސް ވަނީ ރާއްޖޭގެ ރައްޔިތުންނަށާއި، އިސްލާމީ ގައުމުތަކުގެ ވެރިންނަށާއި އެންމެހައި މުސްލިމުންނަށް އީދުގެ ހެޔޮ އެދުމާއި ތަހުނިޔާ ފޮނުއްވާފަ އެވެ.