ނޯޓިސް ދިނުމުން އެމްއާރްއެމުން 3000 އަށް އަރުވައިފި
އެމްއާރްއެމްގެ އިތުރުން މޯލްޑިވްސް ލޭބާ އެންޑް ސޯޝަލް ޑިމޮކްރަޓިކް ޕާޓީގައި ވެސް ގާނޫނީ އަދަދެއް ހަމައެއް ނުވެ އެވެ. އެ ޕާޓީގައި ތިބީ 2556 މެންބަރުންނެވެ.
ސިޔާސީ ޕާޓީއެއް ދެމި އޮތުމަށް ބޭނުންވާ ގާނޫނީ އަދަދު، ސަރުކާރު ހިންގާ ކޯލިޝަންގައި ހިމެނޭ މޯލްޑިވްސް ރިފޯމް މޫވްމަންޓް (އެމްއާރްއެމް) އިން ހަމަކޮށްލައިފި އެވެ.
އެމްއާރްއެމް އިން ބުނެފައި ވަނީ 3000 މެމްބަރުން ހަމަކޮށް އިއްޔެ އިލެކްޝަންސް ކޮމިޝަނަށް ފޯމު ހުށަހަޅާފައިވާ ކަމަށެވެ.
އެ ޕާޓީއިން މެމްބަރުން ހަމަކޮށްފައި ވަނީ ގާނޫނީ އަދަދު ހަމަނުވާތީ އަދަދު ހަމަ ކުރުމަށް ތިން މަސް ދުވަހުގެ ނޯޓިހެއް އީސީއިން ދީފައި ވާތީ އެވެ. މިއީ އަދަދު ހަމަނުވެގެން އެ ޕާޓީއަށް ނޯޓިސް ދިން ދެވަނަ ފަހަރެވެ.
އީސީގެ ދަފްތަރު ބުނާ ގޮތުން މެމްބަރުން ހަމަކުރުމާ ހަމައަށް އެމްއާރްއެމްގައި ތިބީ 2981 މެންބަރުންނެވެ. ގާނޫނީ އަދަދު ކަމަށްވާ 3،000 މެންބަރުން ހަމަ ކުރުމަށް ތިން މަސްތެރޭ 19 މެންބަރުން އިތުރު ކުރަން ޖެހެ އެވެ.
އެމްއާރްއެމްގެ އިތުރުން މޯލްޑިވްސް ލޭބާ އެންޑް ސޯޝަލް ޑިމޮކްރަޓިކް ޕާޓީގައި ވެސް ގާނޫނީ އަދަދެއް ހަމައެއް ނުވެ އެވެ. އެ ޕާޓީގައި ތިބީ 2556 މެންބަރުންނެވެ.
ކޮމެންޓް
Republic of Maldives