ތުރުކީ-ސީރިއާއަށް އެހީވާ ހަރަކާތެއް، މިސްކިތްތަކުގައި ފަންޑު ފޮށި ބަހައްޓަނީ
އެންމެ މުހިންމު އެއް ހަރަކާތަކީ މިސްކިތްތަކުގައި ފަންޑު ފޮށިތަކެއް ބެހެއްޓުން ކަމަށެވެ. މާލޭގެ ހުރިހާ މިސްކިތްތަކެއްގައި ފަންޑުފޮށި ބަހައްޓާނެ އެވެ. އަދި އަތޮޅުތެރޭގެ ހުރިހާ ރަށެއްގައިވެސް ފަންޑު ފޮށިތައް ބަހައްޓަން ދަނީ މަސައްކަތް ކުރަމުންނެވެ.
ތުރުކީއާއި ސީރިއާއަށް އައި ބިންހެލުންތަކުގައި ހާލު ޖެހުނު ފަރާތްތަކަށް އެހީވުމުގެ ގޮތުން "އެއް އުންމަތެކޭ މިއީ" ގެ ނަމުގައި ހަރަކާތެއް ބޭއްވުމަށް ނިންމައިފި އެވެ.
މިއީ އިންޓަނޭޝަނަލް އެއިޑް ކެމްޕޭން (އައިއޭސީ) އާއި ދީނީ އިލްމުވެރީންގެ ބޮޑު ބައިވެރިވުމެއް އޮވެގެން މަދަނީ ބައެއް ޖަމިއްޔާ ޖަމާއަތްތަކާއެކު ކުރިއަށް ގެންދާ ހަރަކާތެކެވެ. މި ހަރަކާތާއި ގުޅޭ މައުލޫމާތު ދިނުމަށް މިއަދު ބޭއްވި ނޫސްވެރީންގެ ބައްދަލްވުމުގައި އައިއޭސީގެ އިސް ބޭފުޅުންނާއި ވަރަށް ގިނަ ދީނީ އިލްމުވެރީން ބައިވެރިވެވަޑައިގަތެވެ.
އެ ހަރަކާތުން ބުނީ ތުރުކީއާއި ސީރިއާއަށް އައި ބިންހެލުންތަކުގައި ހާލު ޖެހުނު ފަރާތްތަކަށް އެހީވުމުގެ ގޮތުން ހިންގޭ ހަރަކާތްތަކުގެ ތެރެއިން އެންމެ މުހިންމު އެއް ހަރަކާތަކީ މިސްކިތްތަކުގައި ފަންޑު ފޮށިތަކެއް ބެހެއްޓުން ކަމަށެވެ. މާލޭގެ ހުރިހާ މިސްކިތްތަކެއްގައި ފަންޑުފޮށި ބަހައްޓާނެ އެވެ. އަދި އަތޮޅުތެރޭގެ ހުރިހާ ރަށެއްގައިވެސް ފަންޑު ފޮށިތައް ބަހައްޓަން ދަނީ މަސައްކަތް ކުރަމުންނެވެ.
މީގެ އިތުރުން މީހުން އާންމުކޮށް އެއްވެ އުޅޭ ތަންތަނުގައިވެސް ފަންޑުފޮށިތައް ބަހައްޓާނެ އެވެ.
މި ހަރަކާތުގެ ތެރެއިން ޓީވީ ފޯރަމްތަކާއި ރޭޑިއޯ ފޯރަމްތައްވެސް ކުރިއަށް ގެންދާނެ އެވެ. އަދި ހުކުރު ހުތުބާވެސް މި މައުލޫއަށް ހާއްސަ ކުރަން ވަނީ ނިންމާފައެވެ.
"އެއް އުންމަތެކޭ މިއީ" ހަރަކާތުގައި ވީހާވެސް ގިނަ ބަޔަކު ބައިވެރިވެ ތުރުކީ-ސީރިއާގެ ރައްޔިތުންނަށް އެހީތެރިވެ ދިނުމަށް އިލްމުވެރީންނާއި އައިއޭސީ އަދި ޖަމިއްޔާތަކުން ވަނީ އެދިފައެވެ.
ކޮމެންޓް
Republic of Maldives