ސިމްޑީ ގްރޫޕުން އަހަރު ފެށީ މެކްސިކަން ސްޓައިލަށް
ސިންޑީގެ ފެށުން އައީ 1970 ގަ އެވެ. ނަމަވެސް ސިމްޑީ ގްރޫޕުގެ ނަމުގައި އުފެދުނީ 2001 ވަނަ އަހަރު އެވެ. މި ކުންފުންޏަކީ އެންމެ ޕްރިމިއަމް ޕްރޮޑަކްޓް ދުނިޔޭގެ އެކި ކަންކޮޅުތަކުން ރާއްޖެ ގެނެސްދޭ އެއް ކުންފުންޏެވެ.
ރާއްޖޭގެ ވިޔަފާރީގައި ސިމްޑީ ގްރޫޕުން އާ ނަމެއް ނޫނެވެ. އެންމެން ދަންނަ ފަރިތަ ނަމެކެވެ. އެންމެން ހިތް ކިޔާ ވެސް ރީތި ނަމެކެވެ. ރާއްޖޭގެ ވިޔަފާރީގައި ހަރަކާތްތެރިވަމުން އަންނަތާ 22 އަހަރުވެފައިވާ މި ކުންފުނިން އަބަދު ވެސް ކުރާ ކޮންމެ ކަމެއް ކުރަނީ ތަފާތު ރީތި ގޮތަކަށެވެ.
މި އަހަރުގެ ފެށުން ވެސް އެ ކުންފުނިން މުވައްޒަފުންނާއެކު ގެނައީ ތަފާތު ގޮތަކަށެވެ. ތަފާތު ހެދުމެއްގައި މަޖާ ވެސް ގޮތަކަށެވެ.
ސިމްޑީގެ ހުރިހާ ވިޔަފާރިއެއް ބަންދުކޮށް ހުރިހާ މުވައްޒަފުންނާއެކު މިދިޔަ އަންގާރަ ދުވަހު ބޭއްވި އެނުއަލް ކިކް އޮފް 2023 ގައި އެ ކުންފުނީގެ އިސްވެރިންނާއި ސީނިޔަ މެނޭޖުމަންޓް އަދި ގިނަ އަދަދެއްގެ މުވައްޒަފުން ބައިވެރިވެފައި ވެއެވެ.
މި ހާއްސަ އިންވެންޓުގައި ބައިވެރިވި ސިމްޑީ ކުންފުނީގެ އިސްވެރިންގެ ތެރޭގައި ސިމްޑީ ކުންފުނީގެ ޗެއާމަން އިބްރާހިމް މުހައްމަދު ދީދީ (ޑީޑީ) އާއި އޭނާގެ އަނބިކަނބަލުން ޑރ. މަރިޔަމް ޝަކީލާ އާއި އެ ކުންފުނީގެ މިޝާލް އިބްރާހިމް ދީދީ ހިމެނެ އެވެ.
ހުރިހާ މުވައްޒަފުން މެކްސިކަން ތީމުގައި
މި ހަފުލާ އިން އެންމެ ހާއްސަވި ކަމަކީ ހަފުލާއަށް ދިޔަ މުވައްޒަފުންގެ ކޮސްޓިއުމް ނުވަތަ އަޅައިގެން ތިބި ހެދުމެވެ. ހުރިހާ މުވައްޒަފެއްގެ ވެސް ތިބީ އެއް ތީމަކަށް ހެދުން އަޅައިގެނެވެ. މެކްސިކަން ސްޓައިލް އަކަށެވެ. ހާއްސަކޮށް ސީނިޔަ މެނޭޖުމަންޓުގައި ތިއްބެވި ބޭފުޅުންގެ ކޮސްޓިއުމް ގިނަ ބައެއްގެ ލޮލުގައި އަޅައިގަތެވެ. ކުންފުނީގެ އެންމެ އިސްވެރިއެއްގެ ގޮތުގައި ހުންނެވި ޑރ. ޝަކީލާ ތުރު ކުރައްވައިގެން ހުންނެވީ ކޮސްޓިއުމް އިން ސިފަ ކޮށްދެނީ ދެކުނު އެމެރިކާގެ ހެދުން އެޅުމުގެ ސިފަތަކެވެ. ބޮލުގައި ތުރުކުރައްވައިގެން ހުންނެވީ މެކްސިކަން ތޮތްޕެކެވެ.
ސިމްޑީން ކޮންމެ އަހަރު ވެސް މިފަދަ އިންވެންޓެއް ބާއްވަ އެވެ. މި އަހަރުގެ ކިކް އޮފް އިވެންޓަކީ ވެސް ތަފާތު އިވެންޓެވެ. މުވައްޒަފުންގެ އަގު ވަޒަންކޮށް އިނާމު ދޭ އިވެންޓެވެ. އެ ކުންފުންޏަށް ގިނަ ދުވަސްވީ މުވައްޒަފުންނަށް އިނާމު ދިނުމާއި މުވައްޒަފުންގެ ޕާފޯމަންސް ފާހަގަކޮށް ހިތްވަރު ދިނުން ވެސް އޮތެވެ. ކޮވިޑަށް ފަހު އެ ކުންފުނިން ބޭއްވި އިވެންޓުން ފެނިގެން ދިޔައީ ކުންފުނީގެ ވަރުގަދަކަމާއި ފޯކަސްކޮށް ވިޔަފާރިއާގެން ކުރިއަށް ދިއުމުގެ ތޫނު ވިސްނުން އެ ކުންފުނިން ގެންގުޅޭ ގޮތެވެ.
ކޮމެންޓް
Republic of Maldives