ހިއްސާގެ ބާޒާރަށް 15 އަހަރު: ހިއްސާ ބާޒާރުން 185 މިލިއަން ޑޮލަރު
ރާއްޖޭގެ ހިއްސާގެ ބާޒާރުގައި ނުވަ ކުންފުންޏެއް ލިސްޓް ކޮށްފައި ވެއެވެ. އަދި ހިއްސާގެ ބާޒާރުގެ ޖުމްލަ ރައުސުލްމާލުގެ އަގު މިހާރު 26 ބިލިއަން ރުފިޔާއަށް އަރަ އެވެ. ދިވެހި ހިއްސާގެ ބާޒާރު އުފެދުނީ މީގެ 15 އަހަރު ކުރީގަ އެވެ.
ރާއްޖޭގެ ހިއްސާގެ ބާޒާރު އުފެދުނީ މީގެ 15 އަހަރު ކުރީގަ އެވެ. މިހާރުގެ ނަމުންނަމަ އެއީ މޯލިވްސް ސްޓޮކް އެކްސްޗޭންޖް (އެމްއެސްއީ) އެވެ. ހިއްސާގެ ބާޒާރަށް 15 އަހަރު ވެގެން ދިޔައިރު ލިސްޓް ކުރި ކުންފުނިތަކުން ހޯދި ފައިނޭންސުގެ އަގު 185 މިލިއަން ޑޮލަރު، ދިވެހި ރުފިޔާއިން ބަލާނަމަ 2.87 ބިލިއަން ރުފިޔާ އަށް އަރަ އެވެ.
ރާއްޖޭގެ ހިއްސާގެ ބާޒާރު މެދުވެރިކޮށް ފައިސާ ހޯދަން މިހާތަނަށް އަށް ޑެޓް އިންސްރޫމަންޓް ލިސްޓް ކޮށްފައިވެ އެވެ. މިހާރު އަހަރެއްގެ މައްޗަށް 42,000 އަށްވުރެ ގިނަ މީހުން އިންވެސްޓްކޮށް 298 މިލިއަން ރުފިޔާގެ ހިއްސާގެ މުއާމަލާތް ހިންގާފައިވެ އެވެ.
ހިއްސާގެ ބާޒާރުގެ ނަމްބަރުތައް
- ޓްރޭޑް ވެލިއު: 126 މިލިއަން
- ލިސްޓް ކޮށްފައިވާ ކުންފުނީގެ އަދަދު: 9
- ހިއްސާގެ މުއާމަލާތް: 1.6 މިލިއަން
- މާކެޓް ކެޕް: 26 ބިލިއަން
ސަރުކާރުގެ އިސް ނެގުމަކާއެކު ރާއްޖޭގެ ސެކިއުރިޓީޒްގެ ބާޒާރު ފުޅާ ކުރަން ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) އާއި އެމްއެސްއީއިން ދަނީ ގިނަ މަސައްކަތްތަކެއް ކުރަމުންނެވެ. އެގޮތުން ސީއެމްޑީއޭ އާއި އެމްއެސްއީ ގުޅިގެން ސެކިއުރިޓީޒްގެ ބާޒާރުގައި ޕްރައިވެޓް ޕްލޭސްމަންޓުގެ ދަށުން ސެކިއުރިޓިޒް ދޫކުރެވޭނެ ނިޒާމެއް ވަނީ ކަނޑައަޅާފަ އެވެ. ޕްރައިވެޓް ސެކިއުރިޓީޒްގެ ބާޒާރުގައި މުއާމަލާތްތައް ކުރަން "ވިޔަނަ" ވިނަމުގައި ޕްލެޓްފޯމެއް ގާއިމް ކޮށްފައިވެ އެވެ.
ކޮމެންޓް
Republic of Maldives