މިދިޔަ އަހަރު 228 ޖެޓުން މާފަރަށް 1500 މަހުޖަނުން
އެމްއައިއޭ ޑިވެލޮޕް ކުރީ ކުރީ ރައީސް އަބްދުﷲ ޔާމީންގެ ވެރިކަމުގަ އެވެ. މި އެއާޕޯޓު ތަރައްގީ ކުރީ އަބޫދާބީ ފަންޑުން ހިލޭ އެހީ ދީގެން ސިންގަޕޫރުގެ ޓަފް ކުންފުނިންނެވެ.
ރާއްޖެއަށް މަހުޖަނުން އާއްމުކޮށް އަންނަނީ ޕްރައިވެޓް ޖެޓުގަ އެވެ. މިދިޔަ އަހަރު ރާއްޖޭގެ ތިންވަނަ އިންޓަނޭޝަނަލް އެއާޕޯޓް، މާފަރު އިންޓަނޭޝަނަލް އެއާޕޯޓް (އެމްއައިއޭ) އަށް 228 ޖެޓުން 1500 އަށްވުރެ ގިނަ މަހުޖަނުން ފޭބި އެވެ
އެމްއައިއޭ ބަލަހައްޓާ، އައިލެންޑު އޭވިއޭޝަނުން ބުނާ ގޮތުގައި މިދިޔަ އަހަރު ޖުމްލަ 1571 ޓޫރިސްޓުން މާފަރަށް ފޭބި އެވެ. އެމްއައިއޭ އޮންނަ ސަރަހައްދަކީ ރާއްޖޭގެ އެންމެ މަތީ ފަންތީގެ ރިސޯޓުތައް އޮންނަ އަތޮޅެވެ. އެ އަތޮޅުގައި ހުރި މަޝްހޫރު ރިސޯޓުތަކުގެ ތެރޭގައި ވެލާ އާއި ސޮނޭވާ ޖާނީ އަދި ސަން ސިޔާމް ރިސޯޓް ފަދަ ރިސޯޓުތައް ހިމެނެ އެވެ. އެހެންވެ އެ އަތޮޅުގެ ރިސޯޓުތަކަށް ޖެޓުގައި ގިނައިން ދަނީ މަހުޖަނުންނެވެ.
ގިނަ މަހުޖަނުން އައި ބައްރުތައް
- ޔޫރަޕް
- މެދުއިރުމަތި
މި މުއްދަތުގައި މާފަރުން ބޭރަށް 1493 ޓޫރިސްޓުން ފުރާފައިވެ އެެވެ. އައިލެންޑް އޭވިއޭޝަނުން ބުނި ގޮތުގައި މި އަހަރުގެ ފުރަތަމަ ދުވަ ދުވަހު 26 ޕްރައިވެޓް ޖެޓެއް ވަނީ މާފަރަށް ޖައްސާފައި ވެއެވެ.
އެއާޕޯޓް ހުޅުވައި ރަސްމީކޮށް ދަތުރު ފެށީ ޑިސެމްބަރު 1، 2019 އިގަ އެވެ. މިހާރަށްވުރެ އެއާޕޯޓް ބޮޑު ކުރުމުގެ މަސައްކަތް ސަރުކާރުން ވަނީ މިދިޔަ އަހަރުގެ ޑިސެމްބަރު މަހު ސަރުކާރު ކުންފުނި އެމްޓީސީސީއަށް 27.1 މިލިއަން ޑޮލަރަށް ހަވާލު ކޮށްފަ އެވެ. މި މަސައްކަތުގެ ދަށުން މުޅި ރަންވޭ އެއްކޮށް ރީސާފޭސް ކޮށް ރަންވޭގެ ސައިޒު 2.85 ކިލޯމީޓަރަށް ބޮޑު ކުރާނެ އެވެ.
ކޮމެންޓް
Republic of Maldives