މާޒީގެ ރޮނގުމަތީން ސުނާމީގެ ބައެއް ނަމްބަރު
ސުނާމީއަށް ފަހު ސަރުކާރާއި ރައްޔިތުން ދިން އެއްބާރުލުމާއިއެހީތެރިކަމުގެ ސަބަބުން ޑިސެމްބަރު މަހުގެ 26 ވަނަ ދުވަސް ރާއްޖޭގައި ފާހަގަ ކުރަނީ ގައުމީ އެއްބައިވަންތަ ކަމުގެ ދުވަހުގެ ގޮތުގަ އެވެ.
އިންޑޮނޭޝިއާގެ ސުމަޓްރާ ސަރަހައްދަށް ޑިސެމްބަރު 26، 2004 ގައި އައި ބާރުގަދަ ބިންހެލުމާ ގުޅިގެން އިންޑިއާ ކަނޑުގައި ސުނާމީއެއް އުފެދި، އުސް ރާޅުގެ ކާރިސާއިން ރާއްޖެއާ ދޮވެލި އެވެ. އެ ދުވަހު މީގެ 18 އަހަރު ކުރީން އެ ދުވަހުގެ ހެނދުނު 9:30 ސުނާމީ ރާޅު އަރައި ރާއްޖޭގެ ނުވަ ރަށެއް ފިޔަވައި ހުރިހާ ރަށެއް ހަލާކު ކޮށްލި އެވެ. އަދި އެ ބިޔަ ބޮޑު ރާޅާއެކު ރާއްޖެއިން 82 މީހުން މަރުވެ 26 މީހުން ގެއްލުނެވެ.
ގެއްލުނު އެއިން އެކަކު ވެސް ނުފެނެ އެވެ. އެމީހުންގެ ބޯވެސް ގުނަނީ މަރުވި މީހުންގެ ގޮތު އެވެ.
ސުނާމީއަށް ފަހު ސަރުކާރާއި ރައްޔިތުން ދިން އެއްބާރުލުމާއިއެހީތެރިކަމުގެ ސަބަބުން ޑިސެމްބަރު މަހުގެ 26 ވަނަ ދުވަސް ރާއްޖޭގައި ފާހަގަ ކުރަނީ ގައުމީ އެއްބައިވަންތަ ކަމުގެ ދުވަހުގެ ގޮތުގަ އެވެ.
- 1.82 މީހުން މަރުވި
- 2.24 މީހުން ގެއްލިފައިވޭ
- 3.21،663 މީހުން ދިރިއުޅޭ ރަށް ނޫން އެހެން ރަށްތަކަށް ގެންދިޔަ
- 4.14 ރަށަކުން މީހުން އެއްކޮށް ހުސްކުރި
- 5.70 ރަށަކަށް ފެނާއި ކަރަންޓުގެ ޚިދުމަތްތައް ދަތިވި
- 6.20 ރަށެއްގެ މުޅި އިންފްރާސްޓްރަކްޗަރަށް އެއްކޮށް ނެތުނު
- 7.12،000 އަށްވުރެ ގިނަ މީހުންގެ ބޯހިޔާވަހިކަން ގެއްލުނު
- 8.ބައިނަލްއަގުވާމީ ވައިގެ ބަނދަރު ބޭނުން ނުކުރެވޭ ހާލަތަށް
ސުނާމީއާއެކު ރާއްޖެއަށް ސްޓޭޓް އޮފް އިމާޖެންސީ އިއުލާނުކޮށް އެހީގެ ޓާސްކް ފޯހެއް އުފައި ބެލި އިރު ސުނާމީގައި ލިބުނު ގެއްލުމުގެ އަދަދު ގާތްގަނޑަކަށް 460 މިލިއަން ޑޮލަރަށް ވުރެ މައްޗެވެ. ގެއްލުމާއެކު މީހުން އުޅޭ ރަށްތަކުގެ 21،663 މީހުން ވަނީ އެމީހުން ދިރިއުޅޭ ރަށް ނޫން އެހެން ރަށްތަކަށް ބަދަލު ކުރި އެވެ. އަދި 14 ރަށަކުން މީހުން މުޅިން އެއްކޮށް ހުސް ކުރި އެވެ. ސުނާމީގައި ސަބަބުން 14 ރަށަކުން އެއްކޮށް މީހުން ހުސްކުރަން ޖެހުނުއިރު 70 ރަށަކަށް ފެނާއި ކަރަންޓުގެ ޚިދުމަތްތައް ލިބުމުގައި ދަތިތަކަކާއި ކުރިމަތިވިއެވެ. އެގޮތުން 79 ރަށަކުން ސާފު ބޯފެން ނުލިބުމާއި 26 ރަށަކަށް ކަރަންޓުގެ ޚިދުމަތް ނުލިބުމުގެ އިތުރުން 24 ރަށަކުން ފޯނުގެ ޚިދުމަތްކެނޑި ހަތަރު ރަށަކުން މުއާސަލާތީ ހުރިހާ ހިދުމަތެއް ކެނޑިފައި ވެއެވެ.
ސުނާމީ ގައި މަރުވި 108
- 1.މަރުވި މީހުންގެ އަދަދު: 82
- 2.ގެއްލުނު މީހުންގެ އަދަދު: 26
- 3.މަރުވި އަންހެނުންގެ އަދަދު: 38
- 4.މަރުވި ފިރިހެނުންގެ އަދަދު: 43
- 5.ގެއްލުނު އަންހެނުންގެ އަދަދު: 9
- 6.ގެއްލުނު ފިރިހެނުންގެ އަދަދު: 08
ސުނާމީ ކާރިސާގައި އެންމެ ގިނަ މީހުން ނިޔާވި އަތޮޅުތައް
- 1.މ އަތޮޅުން: 34 މީހުން
- 2.ލ އަތޮޅުން: 25 މީހުން
- 3.ތ އަތޮޅުން: 19 މީހުން
- 4.ދ އަތޮޅުން: 13 މީހުން
ސުނާމީގައި މަރުވި މީހުން ނިސްބަތްވާ ރަށްރަށް
- 1.ތ. ވިލުފުށި: 18 މީހުން
- 2.މ. ކޮޅުފުށި: 16 މީހުން
- 3.ދ. ގެމެންދޫ: 08 މީހުން
- 4.ލ. މުންޑޫ: 07 މީހުން
- 5.މ. މަޑުއްވަރީން: 06 މީހުން
- 6.ލ. އިސްދޫކަލައިދޫ: 06 މީހުން
- 7.މ. މުލި: 06 މީހުން
- 8.ލ. ފޮނަދޫ: 04 މީހުން
- 9.ކ. ގުރައިދޫ: 04 މީހުން
- 10.ރ. ކަނދޮޅުދޫ: 03 މީހުން
- 11.ލ. ކަޅައިދޫ: 03 މީހުން
- 12.ލ. މާބައިދޫ: 03 މީހުން
- 13.ދ. ރިނބުދޫ: 02 މީހުން
- 14.ލ. ދަނބިދޫ: 02 މީހުން
- 15.މ. މަޑިފުށި: 02 މީހުން
- 16.ގދ. ވާދޫ: 02 މީހުން
- 17.ވެލާވަރު ރިސޯޓް: 02 މީހުން
- 18.ހދ. ނާވައިދޫ: 01
- 19.ށ. ކޮމަންޑޫ: 01
- 20.ކ. ގުޅި: 01
- 21.އދ. ވައިޓް ސޭންޑް: 01
- 22.ވ. ތިނަދޫ: 01
- 23.މ. ދިއްގަރު: 01
- 24.މ. ނާލާފުށި: 01
- 25.މ. މުލަށް: 01
- 26.ހަކުރާ ކުލަބް: 01
- 27.ދ. ވާނީ: 01
- 28.ތ. މަޑިފުށި: 01
- 29.ގއ. ދާންދޫ: 01
- 30.ގއ. ވިލިގިލި: 01
- 31.ފުވައްމުލައް: 01
ގެއްލުންވި ބައެއް ރިސޯޓުތައް
ސުނާމީ އެރި އިރު ހިގަމުން ދިޔަ 87 ރިސޯޓެއްގެ ތެރެއިން 21 ރިސޯޓެއް ބަންދު ކުރަން ޖެހުނެވެ. އެންމެ ބޮޑު ގެއްލުމެއް ލިބުނު ކަމަށް ރިޕޯޓު ކޮށްފައިވާއެއް ރިސޯޓަކީ ދަ ވައިޓް ސޭންޑްސް ރިސޯޓް އެންޑް ސްޕާ އެވެ.
ކޮމެންޓް
Republic of Maldives