ސަމަރްބުލޫ އިބްރާހީމް މަނިކު އަވަހާރަވެއްޖެ
ދިވެހިންގެ ގައުމީ ހަޔާތުގެ ވަރަށް މުހިންމު އެ ޝަހުސިއްޔަތު މިއަދު ހެނދުނު އަވަހާރަވިއިރު ތިން ބޭފުޅުން އެބަތިއްބެވި އެވެ. އިބްރާހިމް މަނިކުގެ އަނބިކަނބަލުން އެންދެރިމާގެ ފަރީޝާ އިބްރާހީމް ކުރިން އަވަހާރަވެފަ އެވެ.
ދިވެހި ގައުމަށާއި ދިވެހި ރާއްޖޭގެ ސަރުކާރަށާއި ދިވެހި މިޑިއާއަށް ވަރަށް ގިނަ ދުވަހު ހިދުމަތް ކޮށްދެއްވި ގައުމީ ހިދުމަތްތެރިޔާ ސަމަރުބުލޫ އިބްރާހީމް މަނިކު (ސަމަރޭ) 72، އަވަހާރަ ވެއްޖެ އެވެ.
އެމަނިކުފާނު އަވަހާރަވީ އާލާސްކަންފުޅަށް އިންޑިއާގެ ބެންގަލޫރުގެ ހޮސްޕިޓަލެއްގައި ފަރުވާ ހޯއްދަވަމުން ގެންދަވަނިކޮށް މިއަދުގެ ވަގުތެއްގަ އެވެ. އިބްރާހިމް މަނިކު އަލާސްކަންފުޅާ އުޅުއްވާތާ ވަރަށް ގިނަ ދުވަސްވެފައި ވެއެވެ.
ކުރީގެ އިންފޮމޭޝަން މިނިސްޓަރުކަން ކުރެއްވި އިބްރާހިމް މަނިކު ވަނީ 30 އަހަރު ރާއްޖޭގެ ބްރޯޑްކާސްޓިންގެ ދާއިރާގައި މަސައްކަތް ކުރައްވައިފަ އެވެ. ހާއްސަގޮތެއްގައި "ދިވެހިރާއްޖޭގެ އަޑު" ގައި ކުރެއްވި މަސައްކަތްތައް ފާހަގަ ކޮށްލެވެ އެވެ. އެމަނިކުފާނު ބްރޯޑްކާސްޓިން ހިދުމަތާ ގުޅިވަޑައިގެންފައި ވަނީ 1974 ވަނަ އަހަރު އެވެ.
އެމަނިކުފާނުގެ އަގު ވަޒަންކުރުމުގެ ގޮތުން މިއަހަރު ބޭއްވި ބްރޯޑްކާސްޓިން އެވޯޑް ހަފުލާގައި ލައިފް ޓައިމް އެޗީވާސް އެވޯޑު ވެސް ވަނީ އަރުއްވާފަ އެވެ.
ދިވެހިންގެ ގައުމީ ހަޔާތުގެ ވަރަށް މުހިންމު އެ ޝަހުސިއްޔަތު މިއަދު ހެނދުނު އަވަހާރަވިއިރު ތިން ބޭފުޅުން އެބަތިއްބެވި އެވެ. އިބްރާހިމް މަނިކުގެ އަނބިކަނބަލުން އެންދެރިމާގެ ފަރީޝާ އިބްރާހީމް ކުރިން އަވަހާރަވެފަ އެވެ.
ކޮމެންޓް
Republic of Maldives