އުފެއްދުންތެރިކަމުގެ ގައުމީ މައުރަޒު | މިހާތަނަށް 21 ރަށަކުން 51 ކެޓަގަރީއަށް ތަކެތި

މިމަހު ރާއްޖޭގައި ބާއްވާ އުފެއްދުންތެރިކަމުގެ ގައުމީ މައުރަޒު ނުވަތަ އެކްސްޕޯޓް މޯލްޑިވްސްގައި މިހާތަނަށް 21 ރަށަކުން 51 ސަބް ކެޓަގަރީއަށް ތަކެތި ހުށަހަޅުމާއެކު މިހާތަނަށް ބާއްވާ އެންމެ ބޮޑު މަރުކަޒުގެ ފަހުގެ ތައްޔާރީތައް ފަށައިފި އެވެ. 

ދައުލަތުގެ މީޑިއާ ޕީއެސްއެމްގައި ވާހަކަ ދައްކަވަމުން އިކޮނޮމިކް މިނިސްޓްރީގެ ނައިބު އަހުމަދު މުހައްމަދު ވިދާޅުވީ މައުރަޒުގައި ބައިވެރިވުމަށް ބޮޑު ތަރުހީބެއް ލިބެމުންދާއިރު ބައިވެރިވުމުގެ ސުންގަޑިއަށް ތިން ދުވަސް އެބައޮތް ކަމަށާ މިހާތަނަށް ގިނަ ބަޔަކު ބައިވެރިވަމުންދާ ކަމަށެވެ. 

"ކާބޯ ތަކެތީގެ އައިޓަމްތައް [މިއަދުން] ފެށިގެން ބަލައި ގަންނާނެ. މިއަދުން ފެށިގެން އިންސާފު ކުރުމުގެ މަސައްކަތް ވެސް ފެށިގެންދާނެ،" އަހުމަދު މުހައްމަދު ވިދާޅުވި އެވެ. 

އޭނާ ވިދާޅުވީ މާދަމައިން ފެށިގެން އުފެއްދުންތައް ޖަޖު ކުރުމުގެ މަސައްކަތް ފެށިގެންދާއިރު ޖަޖުންނަށް އުފެއްދުން ބައިވެރި ކުރަނީ ކާކުކަން ނޭނގޭ ގޮތަށް ފަނޑިޔާރުކަން ކުރާނެ ގޮތް އިންތިޒާމުކޮށްފައިވާ ކަމަށެވެ. ބާކޯޑެއް މެދުވެރިކޮށް މިކަން ކުރެވޭނެ އިންތިޒާމުކޮށްފައިވާނެ ކަމަށް ވިދާޅުވި އެވެ. 

"ވަނަ ލިބޭ އުފެއްދުންތައް ޑިސްޕްލޭކޮށްފައި ހުންނާނެ، ރަން ފަސްވަނަ އެނގޭނެހެން ހުންނާނެ. ވާދަ ކުރުމުގެ ބައިގައި ވާދަކުރާ ހުރިހާ އުފެއްދުމެއް 23 ވަނަ ދުވަހުން 30 ގެ ނިޔަލަށް ފެންނަން ހުންނާނެ،" އަހުމަދު ވިދާޅުވި އެވެ. 

މޯލްޑިވްސް އެކްސްޕޯ 2025 ގައި މުޅި ގާތްގަނޑަކަށް 600 ވަނަ ހޮވާނެ އެވެ. މި ވަނަތަކަށް ވާދަކުރުމުގެ ފުރުސަތު ޖަމިއްޔާޖަމާއަތްތަކާއި ތައުލީމް ދޭ މައުކަޒުތައް ހިމެނެ އެވެ. މި މައުރަޒުގައި މަތީ ގިންތީގައި 15 ގިންތި އަކުން ވަނަ ހޮވާނެ އެވެ. އަދި ދަށު ގިންތީގެ ގޮތުގައި 80 ގިންތި އަކުން ވަނަ ހޮވައި އިނާމު ދޭނެ އެވެ. އަދި އެންމެ ޝަރަފުވެރި ވަނަތައް ކަމަށްވާ މުޅި މައުރަޒުގެ އެންމެ ރަނގަޅު ފަސް އުފެއްދުން ހޮވުން ވެސް އޮންނާނެ އެވެ.

އުފެއްދުންތެރިކަމުގެ މައުރަޒުގައި އެންޓަޓެއިމަންޓް ނުވަތަ މުނިފޫހި ފިލުމުގެ ޑިސްޓްރިކްޓް އޮންނާނެ އެވެ. މި ބައި އޮންނާނީ ކާނިވާ ސްޓައިލަށެވެ. މައި ސްޓޭޖާއި ޕްލެޓްފޯމް ސްޓޭޖުގައި ލައިވް ބޭންޑުތަކާއި ޑާންސް ޕާފޯމަންސްތަކާއި ސްޓޭންޑް-އަޕް ކޮމެޑީ އަދި އިތުރު ކަންކަން ހިންގާ ގިނަ ސްޓޭޖުތައް ހިމެނެ އެވެ. އަދި ތިއޭޓަރު ހޯލުގައި ސްޓޭޖް ޑްރާމާތަކާއި، އަދަބީ ޕްލޭތަކާއި، ޕަރފޯމަންސްތަކަށް ހާއްސަަކުރެވިފައިވާ ކުޑަ ތަނެކެވެ. އަދި ޕާފޯމަންސް ސްޓޫޑިއޯ ހުނަރުވެރި އާޓިސްޓުންގެ ކުދި މިންވަރުގެ، ކައިރިން ބެލޭ ޕާފޯމަންސްތައް ބައްލަވައި އެކަންކަމުގައި ބައިވެރިވޭނެ އެވެ. އަދި ކާނިވަލްގެ ކަންތައްތަކެއް ހުންނާނެ އެވެ. މިތަނުގައި ކާނިވަލް ކުޅިވަރުތަކާއި ބިރުވެރި ގެއަކާއި އަދި އެހެނިހެން ފޯރިގަދަ ކަންތައްތަކުން ހުރިހާ އުމުރުފުރައެއްގެ މީހުންނަށް ހުންނާނެ އެވެ.

މައުރަޒު އޮންނާނީ ސެންޓްރަލް ޕާކުގަ އެވެ. މައުރަޒު އޮންނާނީ މިމަހުގެ 23 ވަނަ ދުވަހު އެވެ. މިހާތަނަށް ވާދަކުރުމުގެ ބައިގައި 300 އަށްވުރެ ގިނަ ފޯމް ވަނީ ހުށަހަޅާފަ އެވެ. އަދި މީގެ އިތުރުން އުފެއްދުންތަކުގެ ބައިގައި 4،000 އަށްވުރެ ގިނަ ތަކެތި ބައިވެރިކޮށްފައިވެ އެވެ. ޖުމްލަ ވާދަކުރުމުގެ ބައި 1،000 އުފެއްދުން ބައިވެރިކޮށްފައިވެ އެވެ. 

ގައުމީ މި މައުރަޒު ބްރޭންޑްކޮށްފައިވަނީ އެކްސްޕޯ މޯލްޑިވްސްގެ ނަމުގަ އެވެ. މި އަހަރުގެ މިހާތަނަށް 4،000 އަށްވުރެ ގިނަ އުފެއްދުންވަނީ ބައިވެރިކޮށްފަ އެވެ. މި އެކްސްޕޯ ފެށެނީ 23 ވަނަ ދުވަހު ސެންޓްރަލް ޕާކުގަ އެވެ.