ތާހިރު ކަމެއް ނެތި ކައްކާ ތަނަކުން ވިސާނެތް ބިދޭސީ ދެ މީހަކު ހިފަހައްޓައިފި
މި މަހުގެ 28 ވަނަ ދުވަހު ވެސް ހުޅުމާލޭގެ އިމާރާތެއް ފާސް ކުރިއިރު ކާބޯތަކެތީގެ ވިޔަފާރިކޮށް، ގަވާއިދާ ހިލާފަށް މަސައްކަތް ކުރަމުންދިޔަ 22 ބިދޭސީއަކު ހިފެހެއްޓި އެވެ.
ސާފު ތާހިރު ކަން ނެތި، އިޖުތިމާއީ މިންގަނޑާ ހިލާފަށް ބިދޭސީން ކައްކަމުން ދިޔަ ތަނެއް ބަލައި ވިސާ ނެތް ބިދޭސީ ދެ މީހަކު އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.
ހުޅުމާލޭގެ ވިނަރެސް ފްލެޓް އިމާރާތުގެ ފަހަތުގައި އެކޮމެޑޭޝަން ބްލޮކެއް ހަދައި ގަވާއިދާ ހިލާފަށް އަދި ސާފު ތާހިރު ކަމެއް ނެތި ކައްކާ ކެއިން ބުއިމުގެ ކަންކަން ކުރިއަށް ގެންދެ އެވެ.
އިމިގްރޭޝަނުން ބުނީ އެ އެކޮމެޑޭޝަން ބްލޮކްގައި ގަވާއިދާ ހިލާފަށް ބިދޭސީން އުޅޭތީ އެތަން ފާސްކޮށް އެތާނގައި ތިބި ބިދޭސީންގެ ތެރެއިން ސައްހަ ވިސާއެއް ނެތް ދެ ބިދޭސީއަކު އިމިގްރޭޝަނުން ހިފަހައްޓާފައި ވާނެ ކަމަށެވެ. އަދި ބުނީ އެތަނަކީ ސާފުތާހިރު ކަމަށް އެއްވެސް ސަމާލުކަން ނުދީ އޮތް ތަނެއް ކަމަށެވެ.
އެޗްޑީސީން ބުނީ އެ ޝަކުވާ ލިބިފައިވާތީ އެކަން ބަލައި ކޮންޓްރެކްޓަރާ ވާހަކަ ދައްކައިގެން އެތަނުގައި ކައްކަމުން ދިޔަ ދިޔުން ހުއްޓުވާފައިވާ ކަމަށެވެ.
މި މަހުގެ 28 ވަނަ ދުވަހު ވެސް ހުޅުމާލޭގެ އިމާރާތެއް ފާސް ކުރިއިރު ކާބޯތަކެތީގެ ވިޔަފާރިކޮށް، ގަވާއިދާ ހިލާފަށް މަސައްކަތް ކުރަމުންދިޔަ 22 ބިދޭސީއަކު ހިފެހެއްޓި އެވެ.
ކޮމެންޓް
Republic of Maldives