ރާއްޖެއަށް އެންމެ ބޭނުންވާ ކަންކަމުގައި ޗައިނާގެ އެހީތެރިކަން ލިބޭނެކަމުގެ ޔަގީންކަން ދެއްވައިފި
ރައީސް މުއިއްޒުގެ އަރިހުން ރާއްޖެއަށް ބޭނުންވެފައި ހުރި ކަންކަން އޮޅުންފިލުއްވުމާއެކު، އެކަންކަން ކުރުމުގައި ޗައިނާއިން ވެދެވެން ހުރި އެހީތެރިކަމެއް ފޯރުކޮށްދޭނެ ކަމުގެ ޔަގީންކަން ސަފީރުވަނީ ރައީސށް އަރުވާފަ އެވެ.
ރާއްޖެއަށް މިވަގުތު އެންމެ ބޮޑަށް ބޭނުންވެފައި ހުރި ކަންކަމުގައި ޗައިނާގެ އެހީތެރިކަން ލިބޭނެ ކަމުގެ ޔަގީންކަން އެ ގައުމުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ވަން ލިޒިން ދެއްވައިފި އެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ އަރިހަށް މިއަދު ކުރެއްވި އިހުތިރާމުގެ ޒިޔާރަތެއްގައި ރައީސް އޮފީހުގައި އެމަނިކުފާނާ ބައްދަލުކުރައްވައި، ލިޒިންވަނީ މިހާރުން މިހާރަށް ރާއްޖެއަށް އެންމެ ބޮޑަށް ބޭނުންވެފައި ހުރި ކަންކަން އޮޅުންފިލުއްވާފަ އެވެ.
ރައީސް މުއިއްޒުގެ އަރިހުން ރާއްޖެއަށް ބޭނުންވެފައި ހުރި ކަންކަން އޮޅުންފިލުއްވުމާއެކު، އެކަންކަން ކުރުމުގައި ޗައިނާއިން ވެދެވެން ހުރި އެހީތެރިކަމެއް ފޯރުކޮށްދޭނެ ކަމުގެ ޔަގީންކަން ސަފީރުވަނީ ރައީސށް އަރުވާފަ އެވެ.
އޭގެ އިތުރަށް ރައީސް ޗައިނާއަށް ކުރެއްވި ފުރަމާނަ ދަތުރުފުޅުގއި ދެ ގައުމުގެ ވެރިން މަޝްވަރާކުރެއްވި ކަންކަމާއި، އެއްބަސްވެވަޑައިގެންނެވި ކަންކަން ތަންފީޒުކުރުން ހަލުއި ދުވެލީގައި ކުރިއަށްގެންދިއުމަށް ކުރަންޖެހޭ މަސައްކަތްތަކާ ގުޅޭ ގޮތުން ސަފީރުވަނީ ރައީސާ މަޝްވަރާ ކުރައްވާފަ އެވެ.
ރާއްޖެއާއި ޗައިނާގެ މެދުގައި އޮތް ގުޅުމުގެ ގާތްކަން ފާހަގަކުރައްވައި ޗައިނާގެ ރައީސް ޝީ ޖިންޕިން ރާއްޖެއާމެދު ހާއްސަ ގާތްކަމެއް ބަހައްޓަވައި، ރާއްޖެއަށް ބޮޑު އަހަންމިއްޔަތުކަމެއް ދެއްވާކަން ސަފީރު ފާހަގަކުރެއްވި އެވެ.
އަދި ބައްދަލުވުން ނިންމަވައިލެއްވުމުގެ ކުރިން ރައީސާއި ސަފީރުވަނީ ދެ ގައުމުގެ ގުޅުން ކުރިއަށް އޮތް ތަނުގައި އިތުރަށް ބަދަހިކޮށް ވަރުގަދަކުރުމުގައި އެއްބާރުލުން ދެއްވާނެކަމުގެ ޔަގީންކަން ދެއްވާފަ އެވެ.
ރައީސް އޮފީހުގައި އޮތް ބައްދަލުވުމުގައި ޗައިނާ އެމްބަސީގެ ވެރިންގެ އިތުރުން ހާރިޖީވަޒީރު މޫސާ ޒަމީރު ބައިވެރިވެވަޑައިގަތެވެ.
ކޮމެންޓް
Republic of Maldives