ދެ އެކްސިޑެންޓެއް، އެކެއްގެ ބޯފަޅައިގެން ގޮސް އަނެއް މީހާގެ ފަޔަށް އަނިޔާ

މާލެ ސިޓީގައި ދެ އެކްސިޑެންޓެއް ހިނގާ ދެ މީހަަކަށް އަނިޔާވެއްޖެ އެވެ.

ފުރަތަމަ އެކްސިޑެންޓް ހިނގީ ހަވީރީހިނގުން، ފަންހިޔާ ބިލްޑިން ކައިރީގަ އެވެ. އެކްސިޑެންޓްވީ ޕިކަޕަކާއި ސައިކަލެއް ޖެހި އެވެ.

މި އެކްސިޑެންޓްގައި ދިވެހި ފިރިހެނެއްގެ ބޯފަޅައިގެން ގޮސްފައިވެ އެވެ. އަދި ފައިގެ ކަށިމަތީން މަށައިގެންގޮސް އަނިޔާވި އެވެ.

އެ މީހާ ޕިކަޕިގައި އައިޖީއެމްއެޗަށް ގެންގޮސް ފަރުވާ ދީފައިވާއިރު މިހާރު ހާލު ރަނގަޅު ކަމަށް ފުލުހުން ބުންޏެވެ. 

މީގެ އިތުރުން ކޮއިމަލާ ހިނގުން އަމީނީމަގާއި ގުޅުނު ކަންމަތީ ވެސް އެކްސިޑެންޓެއް ހިނގާފައިވެ އެވެ. އެކްސިޑެންޓްވީ ދެ ސައިކަލު ޖެހިގެންނެވެ. އެކްސިޑެންޓެއް ގައި ބިދޭސީއެއްގެ ފަޔަށް އަނިޔާވެފައިވެ އެވެ.

ހެނދުނު ހިނގި މި ދެ އެކްސިޑެންޓްގެ ހާދިސާ ވެސް ތަހުގީގު ކުރަމުންދާ ކަމަށް ފުލުހުން ބުންޏެވެ.