ސިފައިންގެ ގަވާއިދު ބުނާ ގޮތުން ހިދުމަތުގައި ދެމި ހުރެވޭނެ އެންމެ ދޮށީ އުމުރަކީ 60 އަހަރެވެ. އަބްދުއްރަހީމަށް 60 އަހަރު ފުރިވަޑައިގަތުމާއެކު މިދިޔަ މަހުގެ 17 ވަނަ ދުވަހު ވަނީ ޝަރަފުވެރިކަމާއެކު ރިޓަޔާ ކުރައްވާފަ އެވެ.
ޗީފް އޮފް ޑިފެންސް ފޯސްގެ މަގާމުގައި ހުންނަވައި ރިޓަޔާ ކުރެއްވި ލެފްޓިނެންޓް ޖެނެރަލް އަބްދުއްރަހީމް އަބްދުލް ލަތީފަށް ފޮރިން މިނިސްޓްރީގެ ސްޓޭޓް މިނިސްޓަރުގެ މަގާމް ދީފި އެވެ.
ސިފައިންގެ ގަވާއިދު ބުނާ ގޮތުން ހިދުމަތުގައި ދެމި ހުރެވޭނެ އެންމެ ދޮށީ އުމުރަކީ 60 އަހަރެވެ. އެހެންވެ، އަބްދުއްރަހީމަށް 60 އަހަރު ފުރިވަޑައިގަތުމާއެކު މިދިޔަ މަހުގެ 17 ވަނަ ދުވަހު ވަނީ ޝަރަފުވެރިކަމާއެކު ރިޓަޔާ ކުރައްވާފަ އެވެ.
އަބްދުއްރަހީމަށް ސްޓޭޓް މިނިސްޓަރުކަން ދީފައިވާކަން އެނގުނީ އިއްޔެ ފޮރިން މިނިސްޓްރީން އެކްސްގައި ކުރި ޕޯސްޓަކުންނެވެ. މިނިސްޓްރީން ބޭއްވި ބައްދަލުވުމެއްގައި ސްޓޭޓް މިނިސްޓަރެއްގެ ހައިސިއްޔަތުން އޭނާ ބައިވެރިވެވަޑައިގަންނަވާފައިވާ ކަމަށް އެ ޕޯސްޓްގައިވެ އެވެ.
ސްޓޭޓް މިނިސްޓަރުގެ ހައިސިއްޔަތުން އޭނާ އިއްޔެ ބައްދަލުކުރެއްވީ އެމެރިކާގެ މޮންޓާނާ ސްޓޭޓްގެ ނޭޝަނަލް ގާޑްސްގެ އިސްވެރިންނާ އެވެ. މި ބައްދަލުވުމުގައި ރާއްޖެ އާއި އެމެރިކާގެ ސަލާމަތީ ގުޅުން އިތުރަށް ބަދަހިކުރުމާ ގުޅޭ ގޮތުން މަޝްވަރާކޮށްފައިވެ އެވެ.
ބައެއް މީޑިއާ ރިޕޯޓްތައް ބުނާ ގޮތުގައި، ތުރުކީވިލާތަށް ރާއްޖޭން ކަނޑައަޅާ ފުރަތަމަ ސަފީރު ކަމުގެ މަގާމު އޭނާއަށް ދިނުމަށް ރައީސް ޑރ. މުހައްމަދު މުއިއްޒު ވަނީ ނިންމަވާފަ އެވެ.