އެމްއެންޑީއެފް ސާޗް އޮޕަރޭޝަން ކުރިއަށް ގެންދަނިކޮށް އޭނާ ފެނިފައި ވަނީ ކޮޅުވެއްޓީގެ ދަށުންނެވެ. ފެނުނު އިރު އޭނާގެ އެއްވެސް ހަރަކާތެއް ނެތެވެ.
އެމްއެންޑީއެފް އިން ބުނީ އެ ކޮޅުވެއްޓީގައި ތިބި ފަސް މީހުންގެ ތެރެއިން އެކަކު ގެއްލިގެން ހޯދަނިކޮށް ފެނުނީ ކޮޅުވެއްޓީގެ ދަށުގައި ވަނިކޮށް ކަމަށެވެ. އޭނާ މޫދުން ނެގި އިރު ވެސް އެއްވެސް ހަރަކާތެއް ނެތް ކަމަށެވެ.
މި ހާދިސާ ހިނގާފައި ވަނީ ރޭ ފަތިހުގެ ވަގުތެއްގަ އެވެ. އޭގެ ފަހުން އެމްއެންޑީއެފްއިން ދިޔައި ގެއްލުނު އެ ބިދޭސީ މީހާ ހޯދުމުގެ މަސައްކަތް ކުރަމުންނެވެ. ބާކީ ތިބި ހަތަރު މީހުން ސަލާމަތް ކުރީ ކަނޑުވެފައި ތިއްބައި، ފަތިހުގެ ވަގުތެއްގަ އެވެ.
އެމްއެންޑީއެފް އިން ބުނި ގޮތުގައި އެމީހާގެ ހަށިގަނޑު ކ. ކާށިދޫ ހެލްތު ސެންޓަރަށް ގެންދިއުމުގެ މަސައްކަތް ފަށާފައިވާ ކަމަށެވެ.
މި ހާދިސާ ހިނގާފައި ވަނީ ރ. އަތޮޅުގައި އޮންނަ ކުޑަކުރަތު ރިސޯޓުން ފުރައިގެން މާލެ އަންނިކޮށެވެ. ހާދިސާ ހިނގި ވަގުތެއް އަދި، ކޮޅުވެއްޓި ބަންޑުން ޖަހާލި ސަރަހައްދެއް އެމްއެންޑީއެފުން ނުބުނެ އެވެ.
މި ހާދިސާ ހިނގި އިރު މުޅި ރާއްޖެއަށް ވެސް މި ދުވަސްވަރު މޫސުން ގޯހެވެ.