ޗިކުންގުންޔާ ހަލުއިކޮށް ފެތުރެނީ؛ މި މަހު މިހާތަނަށް 59 ކޭސް
ޗިކުންގުންޔާ އާއި ޑެންގޫ ފަދަ މަދިރީގެ ޒަރީއްޔާ އިން ފެތުރޭ ބަލިތަކުން ރައްކާތެރި ވުމަށް އޮތް އެންމެ ފަސޭހަ ގޮތަކީ މަދިރި އާލާވާ ތަންތަން ނައްތާލުން. މިކަމަށް ހާއްސަ ސަމާލުކަން ދިނުމަށް އިލްތިމާސްކުރަން،" މިނިސްޓަރު އިލްތިމާސްކުރެއްވި އެވެ.
ރާއްޖޭގައި މިދުވަސްކޮޅު ޗިކުންގުންޔާ ފެތުރޭ މިންވަރު އިތުރުވެ، މިމަހުގެ މިހާތަނަށް މާލޭ ސަރަހައްދުން 59 ކޭސް ފެނިފައިވާ ކަމަށް ހެލްތު މިނިސްޓްރީން ބުނެފި އެވެ.
ޗިކުންގުންޔާއަކީ ޑެންގީ ހުން ފަތުރާ އީޑީސް މަދިރީގެ ޒަރިއްޔާއިން ފަތުރާ ވައިރަލް ހުމެކެވެ. މި ބަލި ޖެހުމުން ހުޅުހުޅުގައި ރިއްސުމާއި އަދި ބައެއް ފަހަރު ހުޅު ދުޅަވެ އެވެ. އަދި އެކަމުގެ އުނދަގޫތައް ގިނަ ދުވަސް ވާންދެން ކުރިމަތިވެ އެވެ.
ހެލްތު މިނިސްޓަރު ޑރ. އަބްދުﷲ ހަލީލް މިއަދު ވިދާޅުވީ ރާއްޖޭގައި ޗިކުންގުންޔާ ފެތުރޭ މިންވަރު އިތުރުވަމުން ދާތީ، މި ދުވަސްވަރަކީ ވިއްސާރަ ދުވަސްކޮޅަކަށްވުން ހާއްސަ ފިޔަވަޅުތައް ނާޅާއިފިނަމަ ބަލި ފަތުރާ މަދިރި އުފެދޭ މިންވަރު އިތުރުވެގެން ދާނެ ކަމަށެވެ.
"ޗިކުންގުންޔާ އާއި ޑެންގޫ ފަދަ މަދިރީގެ ޒަރީއްޔާ އިން ފެތުރޭ ބަލިތަކުން ރައްކާތެރި ވުމަށް އޮތް އެންމެ ފަސޭހަ ގޮތަކީ މަދިރި އާލާވާ ތަންތަން ނައްތާލުން. މިކަމަށް ހާއްސަ ސަމާލުކަން ދިނުމަށް އިލްތިމާސްކުރަން،" މިނިސްޓަރު އިލްތިމާސްކުރެއްވި އެވެ.
މަދިރި ހެފުމުން ރައްކާތެރިވާން ކުރާ އިލްތިމާސް
- މަދިރި އާލާވާފަދަ ތަންތަނާއި ތަކެތި ނައްތާލުން
- ވީހާވެސް ބޮޑަށް ހަށިގަނޑު ނިވާވާގޮތަށް ފޭރާންލުން
- މަދިރިގެ ބޭނުން ކުރުން
- ކުޑަދޮރު ފަދަ ތަންތަނުގައި މަދިރި ދާ ޖެހުން
- މަދިރި ގިނަވާ ވަގުތުތަކުގައި ދޮރާއި ކުޑަދޮރުތައް ލައްޕާފައި ބެހެއްޓުން
- މަދިރި ހެފުލުން ރައްކާތެރިވުމަށް މަދިރި ލޯޝަން ބޭނުން ކުރުން
ކޮމެންޓް
Republic of Maldives