ޗާޓުގައިވާ ގޮތުން މަޖީދީމަގާއި ބޮޑުތަކުރުފާނު މަގު ގުޅޭ ހިސާބު ބަންދު ކުރާނެ އެވެ. އަދި ކިންގްސަލްމާން މިސްކިތާ ހަމައަށް ބަންދު ކުރާނެ އެވެ.
ރައްޔިތުންގެ މަަޖިލީހުގެ އިންތިހާބު ގައި ސަރުކާރު ހިންގާ ކޮންގްރެސް ޕާޓީން ބޮޑު އަޣުލަބިއްޔަތެއް ހޯދާ ސުޕަ މެޖޯރިޓީ ލިބުން ފާހަގަ ކުރުމަށް މިރޭ ބާއްވާ ހަރަކާތަށް ބޮޑުތަކުރުފާނު މަގުން ބައެއް ބަންދު ކުރަން ނިންމައިފި އެވެ.
ފުލުހުން ބުނީ މިރޭ އާޓިފިޝަލް ބީޗް ސަރަހައްދު ގައި ބޭއްވުމަށް ހަމަޖެހިފައިވާ ހަރަކާތަކަށް އެ ސަރަހައްދުގެ ޓްރެފިކް ފްލޯއަށް ބަދަލު ގެނެވޭނެ ކަމަށެވެ. އެ ބަދަލު ފެންނަ ޗާޓެއް ވެސް ވަނީ އާންމުކޮށްފައެވެ.
ޗާޓުގައިވާ ގޮތުން މަޖީދީމަގާއި ބޮޑުތަކުރުފާނު މަގު ގުޅޭ ހިސާބު ބަންދު ކުރާނެ އެވެ. އަދި ކިންގްސަލްމާން މިސްކިތާ ހަމައަށް ބަންދު ކުރާނެ އެވެ. ފުލުހުން ބުނީ މިރޭ 8:00 އިން ފެށިގެން ހަރަކާތް ނިމެންދެން އެ ސަރަހައްދު ބަންދު ކުރާނެ ކަަމަށެވެ.
މިރޭގެ އިވެންޓް ގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒާއި ނާއިބު ރައީސް ހުސައިން މުހައްމަދު ލަތީފް ބައިވެެރިވެވަޑައިގަންނަވާނެ އެވެ. ކޮންގްރެސް އަށް ލިބުނު ކާމިޔާބު ފާހަގަ ކުރަން މިރޭ ހަވާ އަރުވަން ވެސް ވަނީ ނިންމާފައެވެ. ފަސް މިނެޓަށް ހަވާ އަރުވާނެ އެވެ.
ކޮންގްރެސް ޕާޓީން ބުނީ މިއީ ރައްޔިތުންގެ މަޖިލީހުގެ އިންތިހާބުގައި ޕްރޮގްރެސިވް ކޮންގްރެސް ކޯލިޝަނަށް ލިބުނު ކާމިޔާބީ ފާހަގަކޮށް ދިވެހި ރައްޔިތުންނަށް މަރުހަބާއާ ޝުކުރު ދެންނެވުމުގެ ހާއްސަ ބައްދަލުކުރެއްވުމެއް ކަމަށާ މި ބައްދަލުކުރެއްވުމުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ބައިވެރިވެވަޑައިގެން ވާހަކަފުޅު ދައްކަވާނެ ކަމަށެވެ.
އިއްޔެގެ އިންތިހާބު ގައި ހައިރާން ކުރަނިވި ނަތީޖާ އަކުން ބޮޑު ތަނުން ކުރީގައި އޮތީ ކޮންގްރެސް އެވެ. މާލެ ސިޓީއާ އައްޑޫ ސިޓީއާ ފުވައްމުލަކު ސިޓީއާ ތިނަދޫ ސިޓީއާ ކުޅުދުއްފުށި ސިޓީގެ އަގުލަބިއްޔަތު ވެސް ހޯދީ ކޮންގްރެސް އިންނެވެ.
ފުވައްމުލަކު ސިޓީގެ ހުރިހާ ގޮނޑިއެއް ކޮންގްރެސް އަށެވެ. އައްޑޫގެ ވެސް ދެ ގޮނޑިއެއް ފިޔަވާ ހުރިހާ ގޮނޑިއެއް ކޮންގްރެސްގެ ކެންޑިޑޭޓުން ކާމިޔާބު ކުރިއިރު މާލެ ސިޓީން ވެސް ވަރަށް ތަނަވަސް އަޣުލަބިއްޔަރެއް ވަނީ ހޯދާފައެވެ. އަދި ވަރަށް ގިނަ ދާއިރާތަކެއް ގައި ކޮންގްރެސްގެ ކެންޑިޑޭޓުން ވަނީ ކުރި ހޯދާފައެވެ. މިއީ ވަރަށް ތާރީހީ / ބޮޑު ކާމިޔާބެކެވެ.