ކުރިއެރުން 14 ޕަސެންޓް ؛ ޓޫރިސްޓުންގެ އަދަދު 700،000 ގާތަށް

މިހާތަނަށް ރާއްޖެއަށް ޒިޔާރަތް ކުރި ޓޫރިސްޓުންގެ އަދަދު 14 ޕަސެންޓުގެ ކުރިއެރުމާއެކު ޓޫރިސްޓުންގެ އަދަދު 700،000 އާ ގާތަށް ޖެހިލައިފި އެވެ. 

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާ ގޮތުގައި މި މަހުގެ 11 ވަނަ ދުވަހުގެ ނިޔަލަށް ރާއްޖެއަށް 663,269 ޓޫރިސްޓުން ވަނީ އައިސްފަ އެވެ. މިހާރު ޓޫރިސްޓުންގެ އަދަދު 700،000 އަށް އަަރާފާނެ ކަމަށް ބެލެވެ އެވެ. މިހާރު ޓޫރިސްޓުން އަންނަ އަދަދުން ޓޫރިޒަމަށް 14 ޕަސެންޓުގެ ކުރިއެރުމެއް ލިބިފައިވެ އެވެ. 

މިހާތަނަށް އެންމެ ގިނައިން ޓޫރިސްޓުން އައިސްފައިވަނީ ޗައިނާއިންނެވެ. އެ ގައުމުން އައި މީހުންގެ އަދަދު އުޅެނީ 71,995 ގަ އެވެ. އެ ގައުމުގެ އިތުރުން ދެން އެންމެ ގިނައިން ޓޫރިސްޓުން އައިސްފައިވަނީ ރަޝިއާއިންނެވެ. އެ ގައުމުން 66,999 ޓޫރިސްޓުން އައިސްފައިވެ އެވެ. އަދި ތިން ވަނައަށް އެންމެ ގިނައިން ޓޫރިސްޓުން އައިސްފައިވަނީ  ރަޝިއާއިންނެވެ. އެ ގައުމުން 66,803 ޓޫރިސްޓުން އައިސްފައިވެ އެވެ. އަދި ތިންވަނައަށް އެންމެ ގިނައިން ޓޫރިސްޓުން އައިސްފައިވަނީ އިޓަލީ އިންނެވެ. އެ ގައުމުން 61,379 މީހުން އައިސްފައިވެ އެވެ. 

މި އަހަރުގެ މިހާތަނަށް ޓޫރިސްޓުން ރާއްޖޭގައި އެވްރެޖުކޮށް ހޭދަ ކުރަނީ  7.9 ދުވަހެވެ. މިހާރު އެވްރެޖު ގޮތެއްގައި ރާއްޖެއަށް ދުވާލެއްގެ މައްޗަށް އަންނަނީ 6,567 މީހުންނެވެ.