މި ރިސޯޓް ތަރައްގީ ކުރަނީ ކ. ވާރެއްދޫ ފަރުގަ އެވެ. މި ރަށަކީ މަޝްހޫރު ވިޔަފާރިވެރިޔާ ގާސިމް އިބްރާހިމް މިދިޔަ އަހަރު ވިއްކާލި ފަޅެކެވެ.
ރާއްޖޭގެ ރިސޯޓެއްގައި މިހާތަނަށް ހަދާ އެންމެ ބޮޑު ވޯޓާތީމް ޕާކާއި ކުޅިވަރުގެ ވަސީލަތްތައް ހިމެނޭ ގޮތަށް ރާއްޖޭގެ ވޮލްޑޯފް އެސްޓޯރިއާ އިތާފުށި ހިންގާ ކުންފުނީގެ އެއް ޕާޓްނަރު މާލެ އަތޮޅު ފަޅެއްގައި ރިސޯޓެއް ތަރައްގީ ކުރުމުގެ މަސައްކަތް ފަށައިފި އެވެ.
މި ރިސޯޓް ތަރައްގީ ކުރަނީ މަޝްހޫރު ވިޔަފާރިވެރިޔާ ގާސިމް އިބްރާހިމް މިދިޔަ އަހަރު ވިއްކާލީ ވާރެއްދޫ ފަޅުގަ އެވެ. ރިސޯޓު ތަރައްގީ ކުރަނީ ވޮލްޑޯފް އެސްރިއާގެ އެއް ޕާޓްނަރު ކަމަށްވާ މައުތާޒް އަލް ޚައްޔަތު އާއި ތުރުކީގެ މަހުޖަނެއް ގުޅިގެންނެވެ.
ގާސިމްގެ ކ. ވާވެއްދިފަޅު ނުވަތަ ވާރެއްދޫ ފަރު އިތާފުށީގެ އޯނަރުން ބައްލަވައިގެންފައިވަނީ 350 މިލިއަން ރުފިޔާ އަށެވެ. އިތާފުށީގެ އޯނަރުންގެ ތެރޭގައި ހިމެނިވަޑައިގަންނަވާ ދިވެހި ޕާޓްނަރަކީ ހ. ސީސައިޑް މުހައްމަދު އަލީ ޖަނާހު އެވެ.
ވާރެއްދޫ ފަރުގައި ތަރައްގީ ކުރާ މި ރިސޯޓަކީ ރާއްޖޭގައި މިހާތަނަށް ހަދާ އެންމެ ބޮޑު ވޯޓާތީމް ޕާކް އޮންނާނެ ރިސޯޓެވެ. މި ރިސޯޓު ހަދަނީ ތުރުކީގެ ދަ ލޭންޑް އޮފް ލެޖެންޑްސް ކޮންސެޕްޓަށެވެ. މި ކޮންސެޕްޓަކީ ތީމް ޕާކްތަކާއެކު ހޮޓާ އަދި ރިސޯޓް ތަރައްގީ ކުރާ ކޮންސެޕްޓެކެވެ. މި ކޮންސެޕްޓުގައި ހަދާފައިވާ ގިނަ ރިސޯޓު ތަކެއް ދުނިޔޭގެ އެކި ކަންކޮޅުތަކުގައި ހިންގަމުން ގެންދެ އެވެ.
"މިރާ" އަށް އެނގިފައިވާ ގޮތުގައި ލޭންޑް އޮފް ލެޖެންޓްސް މޯލްޑިވްސްގެ ނަމުގައި ވާރެއްދޫ ފަރުގައި ތަރައްގީ ކުރަނީ ތިން ރަށެއްގެ މައްޗަށެވެ. މިތަނުން އެއް ރަށުގައި ކިކޮލޭޑިއަމް ތީމްގެ ޕާކެއްވެސް ހުންނާނެ އެވެ. މި ރަށް 493،000 އަކަފޫޓަށް ވުރެ ބޮޑެވެ. މީގެ އިތުރުން ޑައުންޓައުން އައިލެންޑަކާއި ކްލަބް ޕްރައިވްގެ ނަމުގައި ހަދާ ރަށެއްވެސް ހިމެނެ އެވެ. މިއީ މި ކޮންސެޕްޓަށް ރާއްޖޭގައި ހަދާ ފުރަތަމަ ރިސޯޓެވެ. އަދި ވޯޓާތީމް ޕާކްވެގެންދާނީ މި ސަރަހައްދުގައި ހަދާ އެންމެ ބޮޑު އެއް ވޯޓާ ތީމް ޕާކް އަށެވެ.
ޤާސިމްބެ ކިތައް މިލިޔަނަށް ގަނެފަތޯ ނުވަތަ ހިލޭ ލިބުނު އެެއްޗެއްތޯ 350 މިލިއަނަށް އެ ވިއްކާލީ؟