ލާމުގައި ހަތަރު ރިސޯޓް ތަރައްގީކޮށް ޓޫރިޒަމް ފުރުސަތުތައް ދުނިޔޭގައި ޕްރޮމޯޓް ކުރާނަން: ފައިސަލް

ލ. އަތޮޅުގައި ހަތަރު ރިސޯޓް ތަރައްގީކޮށް ލ. އަތޮޅުގައި ހުރި ޓޫރިޒަމް ފުރުސަތުތައް އެމްއެމްޕީއާރްސީ މެދުވެރިކޮށް ދުނިޔޭގައި ޕްރޮމޯޓް ކުރާނެ ކަމަށް ޓޫރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެ އެވެ.

މިއަދު ގައުމުގައި ބޭއްވި ރައީސް ޑރ. މުހައްމަދު މުއިއްޒު ގަމުގެ ރައްޔިތުންނާ ބައްދަލު ކުރެއްވި ޖަލްސާގައި ވާހަކަފުޅު ދައްކަވަމުން މިނިސްޓަރު ފައިސަލް ވިދާޅުވީ ލ. އަތޮލުގައި އޮތް ކައްދޫ އެއާޕޯޓް އިންޓަމޭޝަންލް އެއާޕޯޓަކަށް ބަދަލު ކުރުމުގެ މަސައްކަތް މިހާރު ފެށިފައިވާ ކަމަށާއި އެއާއެކު މި އަތޮޅަށް ޓޫރިޒަމް ގެނެސް ތަރައްގީ ކުރުމަށް ގަމާއި ކައިރީގައި އޮތް ބޮޑުފިނޮޅު އެ ރަށް އޮތް ފަރާތަށް ބަދަލު ދީ ޓޫރިޒަމަށް ނަގައި ޓޫރިޒަމްގެ ރަނގަޅު ޕްރޮޖެކްޓެއް ހިންގާ ތަރައްގީ ކުރާނެ ކަމަށެވެ.

މިނިސްޓަރު އަދި ވިދާޅުވީ މިއީ އެންމެ ފުރުސަތު ބޮޑު އަތޮޅު ކަމަށާއި 700 އެނދު ހިމެނޭ އައްސޭރި ޕްރޮޖެކްޓް ތަރައްގީކޮށް  ތާރީހާއި ސަގާފަތް ހިމެނޭ ގޮތުން އެ ކަންކަން ޓޫރިޒަމް ޕްރޮޑްކްޓްތަކެއްގެ ގޮތުގައި ތަރައްގީ ކުރާނެ ކަމަށައި އެއާއެކު "ވަން އައިލެންޑް ކޮންސްޕެޓް" ގެ ހަތަރު ރިސޯޓެއް މި އަތޮޅުގައި ތަރައްގިކޮށް ދޭނެ ކަމަށެވެ. 

މިިނިސްޓަރު ވިދާޅުވީ އެކަންކަމަށް އޮތް އެންމެ ބޮޑު ހުރަހަކީ ފްލައިޓް ކނެކްޓްވިޓީގެ މައްސަލަ ކަމަށާއި އެކަން ހައްލު ކުރުމަށް މޯލްޑިވިއަން އާ ވާހަކަ ދެެކެވި އެއާފެއާގެ ރަނގަޅު ޕެކޭޖެއް ވަރަށް އަވަހާ ހަމަޖެހިގެން ދާނެ ކަމަށާއި ދުނިޔޭފެ އިންވެސްޓަރުން އެޓްރެކްޓް ކުރެވޭނެ ގޮތްތައް ބަލައި މި އަތޮޅުގައި ހުރި ޓޫރިޒަމް ސެލިން ޕޮއިންޓްތައް ދަފުތަރު ކޮށް އެމްއެމްޕީއާރްސީ މެދުވެރިކޮށް ލ. އަތޮޅޔ ދުނިޔެއަށް ދައްކައި ދެއްވާނެ ކަމަށެވެ.

އެކަންކަމާ ގުޅުވާލައްވާ މިނިސްޓަރު ފައިސަލް ވިދާޅުވީ އެކަންކަން ކުރެވޭނީ ރައްޔިތުންގެ މަޖިލީގެ މެޖޯރިޓީ ލިބިގެން ކަމަށާއި އެ ފުރުސަތު ނަގާ ނުލައި މި އަތޮޅުގެ ހަތަރު ދާއިރާގެ މަޖިލިސް ގޮނޑި ސަރުކާރަށް ހޯއްދަަވައި ދެއްވާނެ ކަމަށް އުންމީދު ކުރައްވާ ކަމަށެވެ.