"ޕްލޭޑެން ސްމައިލް" ނަމުގައި ބޭއްވި ކުޑަކުދީންގެ ހަވީރުގައި ބައިވެރިވި ކުދީންގެ މެދުގައި ގުރުއަތެއް ނަގާ ވަރަށް އަގުހުރި އިނާމުތަކެއް ވެސް ވަނީ ދީފައެވެ.
ފިތުރު އީދާ ގުޅުވާ ރ. މީދޫ ގައި ވަނީ ކުޑަކުދީންގެ ހަވީރެއް ބާއްވާފައެވެ. މީދޫ "އުންމީދު" ޖަމިއްޔާ އިން އިސްނަގައިގެން ރަށުގެ މުއައްސަސާތަކާއި ގުޅިގެން ބޭއްވި ކުޑަކުދީންގެ މި ހަވީރަކީ މިހާތަނަށް އެ ރަށުގައި ބޭއްވި އެންމެ ފޯރިގަދަ ކުޑަކުދީންގެ ހަވީރެވެ. "ޕްލޭޑެން ސްމައިލް" ނަމުގައި ބޭއްވި ކުޑަކުދީންގެ ހަވީރުގައި ބައިވެރިވި ކުދީންގެ މެދުގައި ގުރުއަތެއް ނަގާ ވަރަށް އަގުހުރި އިނާމުތަކެއް ވެސް ވަނީ ދީފައެވެ. އަދި ކުޅިވަރު ސްޓޯލްތަކުން ވެސް ގިނަ އިނާމުތަކެއް ކުދީންނަށް ލިބޭނެ އިންތިޒާމު އޮތީ ރާވާފައެވެ. ވަރަށް ގިނަ ވިޔަފާރިތަކުގެ އެހީގައި ކުރިއަށް ގެންދިޔަ މި ހަވީރު ގައި މީދުގެ އާއިލާތަކާއި ގިނަ އަދަދެއްގެ ކުޑަކުދީން ބައިވެރިވެފައިވެއެވެ.