މި އީދަށް މާލެއާ ހުޅުމާލެ އަދި އެހެނިހެން ސިޓީތައް ވަނީ ވަރަށް ބޮޑަށް ޒީނަތްތެރިކޮށް ފައެވެ. އަދި މަގުތަކުގައި ސްކީޕާރުތައް ހަރުކޮށް ތަކުބީރާއި ތަހްމީދުގެ އަޑު ދަނީ އިއްވަމުންނެވެ.
އީދަށް މާލެ ސިޓީއާ އެހެނިހެން ސިޓީ އަދި އަތޮޅުވެރިރަށްތައް ޒީނަތްތެރިކޮށް ތަފާތު ކުލަތަކުން ދިއްލާލުމަކީ ރައީސް މުއިއްޒުގެ ވައުދެކެވެ. އަދި މާލެ ސިޓީގެ މަގުތަކާއި އެހެނިހެން ސިޓީތަކުގެ މަގުތަކުން ތަކުބީރުގެ އަޑު އިއްވުމަކީ ވެސް ސަރުކާރުގެ އަމާޒެކެވެ.
މި އީދަށް މާލެއާ ހުޅުމާލެ އަދި އެހެނިހެން ސިޓީތައް ވަނީ ވަރަށް ބޮޑަށް ޒީނަތްތެރިކޮށް ފައެވެ. އަދި މަގުތަކުގައި ސްކީޕާރުތައް ހަރުކޮށް ތަކުބީރާއި ތަހްމީދުގެ އަޑު ދަނީ އިއްވަމުންނެވެ. ސަރުކާރުން ބުނި ގޮތުގައި ހަ ރޯދަ ނިމެންދެން އީދުގެ ދިއްލުންތައް ދިއްލާނެ އެވެ. އަދި އީދުގެ ތިން ދުވަހު ތަކުބީރުގެ އަޑު އިއްވާނެ އެވެ.
މާލޭގައި މިފަދަ ގޮތަކަށް ފުރަތަމަ ފަހަރަށް ތަކުބީރުގެ އަޑު އިއްވާފައި ވަނީ މިދިޔަ އަހަރުގެ ބޮޑު އީދު ގައެވެ. އެއީ މާލޭ ބޮޑު ތަކުކުރުފާނު މަގުގައި ހުރި ސްމާޓް ލައިޓްތަކުންނެވެ. އެ ފަހަރު ތަކުބީރުގެ އަޑު އިއްވީ ރައީސް މުއިއްޒު، މާލެ ސިޓީ މޭޔަރުގެ މަގާމު ގައި ހުންނަވައިގެން އެމަނިކުފާނުގެ އިސްނެންގެވުމަށެވެ. އެ ފަހަރު އީދަށް މާލެ ސިޓީ ވެސް ވަރަށް ބޮޑަށް ޒީނަތްތެރި ކުރި އެވެ.