ފަލަސްތީނަށް އެހީ ފޯރުކޮށްދޭ މީހުނަށް ދިން ހަމަލާ ރާއްޖޭން ކުށްވެރިކޮށްފި
ވޯލްޑް ސެންޓްރަލް ކިޗަންއަށާއި މަރުވި މީހުންގެ އާއިލާތަކަށް ސަރުކާރާއި ރާއްޖޭގެ ރައްޔިތުންގެ ނަމުގައި ތައުޒިޔާ ކިޔުމުގެ އިތުރުން ޒަހަމްވި މީހުންނަށް އަވަސް ޝިފާއަކަށް އެދޭ ކަމަށް ވެސް ބަޔާނުގައި ހިމަނާފައި ވެއެވެ.
ފަލަސްތީނުގައި އިންސާނީ އެހީ ފޯރު ކޮށްދޭން ހަރަކާތްތެރިވަމުން ދިޔަ ވޯލްޑް ސެންޓްރަލް ކިޗަން ކޮންވޯއީއަށް ދިން ހަމަލާއެއްގައި ހަތް މީހަކު މަރާލި ހާދިސާ ދިވެހި ސަރުކާރުން ހަރުކަށި އިބާރާތުން ކުށްވެރި ކޮށްފި އެވެ.
ފޮރިން މިނިސްޓްރީގެ ބަޔާނެއްގައި ބުނަނީ އެހީވުމުގައި މަސައްކަތްކުރާ ފަރާތްތަކަށް ހަމަލާ އަމާޒު ކުރުމަކީ ބައިނަލްއަގްވާމީ އިންސާނީ ގާނޫނާ ވަރަށް ބޮޑަށް ހިލާފުވުމެއް ކަމަށެވެ.
އެކަން ކުރާ މީހުން ޖަވާބުދާރީވާން ޖެހޭ ކަމަށާއި ކޮންފްލިކްޓް ޒޯންތަކުގައި އިންސާނީ އެހީތެރިކަމުގެ މަސައްކަތްތެރިންގެ ހިމާޔަތާއި ރައްކާތެރިކަން ކަށަވަރު ކޮށްދިނުމުގެ އިތުރުން ގާޒާއަށް ހުރަހެއް ނެތި އިންސާނީ އެހީތެރިކަން ފޯރު ކޮށްދިނުމަށް ނިންމާ އެކަމުގެ ފިޔަވަޅު އެޅުމަށް ދިވެހިރާއްޖެއިންގޮވާލާ ކަމަށެވެ.
އަދި ވޯލްޑް ސެންޓްރަލް ކިޗަންއަށާއި މަރުވި މީހުންގެ އާއިލާތަކަށް ސަރުކާރާއި ރާއްޖޭގެ ރައްޔިތުންގެ ނަމުގައި ތައުޒިޔާ ކިޔުމުގެ އިތުރުން ޒަހަމްވި މީހުންނަށް އަވަސް ޝިފާއަކަށް އެދޭ ކަމަށް ވެސް ބަޔާނުގައި ހިމަނާފައި ވެއެވެ.
ކޮމެންޓް
Republic of Maldives