އެޗްޑީސީ އިން ބުނެފައި ވަނީ އެ ޗާޓުގައި ދައްކާފައިވާ "ސައިޓް ބީ" ގައި އަޅާފައިވާ އުޅަނދުތައް މާދަމާ ރޭ 12:00 ގެ ކުރިން ނަގަން ވާނެ ކަމަށެވެ.
ހުޅުމާލެ ތިން ވަނަ ފިޔަވަހީގެ ހިއްކާ ސަރަހައްދުގައި ޕާކުކޮށްފައިވާ އުޅަނދުތައް ނަގަން ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން އަންގައިފި އެވެ.
އެ ކުންފުނިން މިއަދު ބުނީ ތިން ވަނަ ފިޔަވަހީގެ ގޮތުގައި ހިއްކަމުންގެންދާ ސަރަހައްދުގެ ސައިޓް ބީގެ މަސައްކަތަށް ދަތިވާގޮތަށް އަޅާފައިވާ އުޅަނދުތައް އެ ސަރަހައްދުން ނަގަން ބޭނުންވާ ކަމަށެވެ. އެޗްޑީސީ އިން ވަނީ އުޅަނދުތައް ނަގަން ބޭނުންވާ ސަރަހައްދުތައް ފާހަގަކޮށްދީ ޗާޓެއް ވެސް އާންމު ކޮށްފަ އެވެ.
އެޗްޑީސީ އިން ބުނެފައި ވަނީ އެ ޗާޓުގައި ދައްކާފައިވާ "ސައިޓް ބީ" ގައި އަޅާފައިވާ އުޅަނދުތައް މާދަމާ ރޭ 12:00 ގެ ކުރިން ނަގަން ވާނެ ކަމަށެވެ.
އެ ކުންފުނިން ވަނީ އެތަނުން އުޅަނދުތައް ނެގުމަށްފަހު އެ ސަރަހައްދުން ބޭރުގައި އުޅަނދުތައް ޕާކު ކުރުމުގެ ފުރުސަތު ވެސް ފަހިކޮށްދީފަ އެވެ.
"މި މަސައްކަތުގައި އާންމު ރައްޔިތުންނާއި އުޅަނދުތައް ގެންގުޅުއްވާ ފަރާތްތަކުން ދެއްވާ އެއްބާރުލުމަށް މިފުރުސަތުގައި ޝުކުރު ދަންނަވަން،" އެޗްޑީސީން ބުންޏެވެ.