މިދުވަސްވަރު ހޫނު ވަނީ ވިލާ މަދުވުމާއި ވައި މަޑުވުން އަދި ވައިގެ ތެތްކަން މަތިކޮށް ހިފެހެއްޓިފައި ހުރުމުގެ ސަބަބުން ވައިގެ ހޫނުމިނަށްވުރެ އިހްސާސް ކުރެވޭ ހޫނުމިން މަތިވުމުންނެވެ.
އާންމު ގޮތެއްގައި އަހަރުތެރޭގައި ރާއްޖެ ސަރަހައްދުގައި ހޫނުމިން އެންމެ މައްޗަށްދާ ދުވަސްވަރު ފެށިފައިވާއިރު، މިއަދު އިހުސާސް ކުރެވޭ ހޫނުމިން 44 ޑިގްރީން މަތީގައި ހުރި ކަމަށް މޫސުމާ ބެހޭ ގައުމީ އިދާރާއިން ބުނެފި އެވެ.
ރާއްޖެ ސަރަހައްދަށް އެންމެ ހޫނު ގަދަ ވަނީ މާޗް އަދި އޭޕްރީލް މަހު އެވެ. މިދުވަސްވަރު ހޫނު ވަނީ ވިލާ މަދުވުމާއި ވައި މަޑުވުން އަދި ވައިގެ ތެތްކަން މަތިކޮށް ހިފެހެއްޓިފައި ހުރުމުގެ ސަބަބުން ވައިގެ ހޫނުމިނަށްވުރެ އިހްސާސް ކުރެވޭ ހޫނުމިން މަތިވުމުންނެވެ.
މެޓް އޮފީހުން މިއަދު އާންމު ކުރި ގޮތުގައި މިއަދުގެ 11:00 ގައި މާލެ ސަރަހައްދުގައި އިހުސާސް ކުރެވޭ ހޫނުމިން ހުރީ 44.7 ޑިގްރީގަ އެވެ. ހަނިމާދޫގައި ހޫނުމިން ހުރީ 43.7 ޑިގްރީގަ އެވެ. ކައްދޫގައި ހޫނުމިން 41.7 ޑިގްރީގައި ހުރިއިރު ކައްދޫގައި ހޫނުމިން ހުރީ 41 ޑިގްރީގަ އެވެ. އައްޑޫ ސަރަހައްދުގައި ހޫނުމިން ހުރީ 40.8 ޑިގްރީގަ އެވެ.
މިއީ ރޯދަ މަހަށް ވެސް ވުމާއެކު ވަރަށް ބޮޑަށް ހޫނުކަން އިހުސާސް ކުރެވެ އެވެ. ނަމަވެސް، މި ދުވަސްވަރު ރާއްޖޭގެ އަސްލު ހޫނުމިން ހުރީ 31 ޑިގްރީ ސެލްސިއަސް އާއި 34 ޑިގްރީ ސެލްސިއަސްއާ ދެމެދުގަ އެވެ.
"އިހުސާސް ކުރެވޭ ފިނިހޫނުމިން ބިނާވަނީ އެސަރަހައްދެއްގެ އަސްލު ފިނިހޫނުމިނާއި ވައިގެ ތެތްކަމުގެ އެވަރެޖް ނިސްބަތަށް،" މެޓުން ބުންޏެވެ.