ފްލެޓާ ގުޅޭ ލަފާދޭން ހައުސިން ކޮމެޓީ އުފައްދައިފި، ޗެއާއަކީ އަނީސާ

‏"ބިންވެރިޔާ" އަދި "ގެދޮރުވެރިޔާ" ސްކީމްއާއި ގުޅިގެން ހުށަހާޅާ މައްސަލަތަކާއި އަދި ނިންމަންޖެހޭ ނިންމުންތައް ނިންމުމަށް، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ލަފާފުޅުގެ މަތިން "ހައުސިން ކޮމިޓީ" އެކުލަވާލައިފި އެވެ.

ގެދޮރުވެރިކަމާއި ބިމާއި އުމްރާނީ ތަރައްގީއާ ބެހޭ ވުޒާރާ އިން ބުނީ "ހައުސިން ކޮމިޓީ" ގައި ފަސް ބޭފުޅަކު ހިމެނޭ ކަމަށެވެ.

އެ ކޮމެޓީގައި ހިމެނިވަޑައިގަންނަވަނީ؛

އެ ކޮމެޓީގެ ފުރަތަމަ ބައްދަލްވުން މިއަދު ވަނީ ބާއްވާފައެވެ. ކޮމެޓީގެ ޗެއާ އަކީ އަނީސާ އަހްމަދެވެ. ވައިސް ޗެއާ އަކީ އަޒީ އެވެ.

ސަރުކާރުން މިފަދަ ކޮމެޓީއެއް އުފެއްދީ ކުރީ ސަރުކާރުން އިމާރާތް ކުރަން ފެށި 4000 ފްލެޓް ލިބޭނެ ކަމަށް ކަނޑައަޅާފައިވާ މީހުންގެ ލިސްޓާ ގުޅޭ ގޮތުން އެންޓި ކޮރަޕްޝަން ކޮމިޝަން (އޭސީސީ) އިން ހިންގި ތަހުގީގުގައި، ޝަރުތު ހަމަނުވާ ކަމަށް ކަނޑައެޅުމުންނެވެ.

ދޮރުވެރިޔާ ސްކީމްގެ ފުރަތަމަ ބުރުގައި 21،000 މީހުން ފްލެޓަށް ކުރިމަތިލި އެވެ. އޭގެ ތެރެއިން 12،000 މީހުންނަށް ފްލެޓް ލިބޭ ކަމަށް ކަނޑައެޅުމަށްފަހު، އޭގެ ތެރެއިން ފުރަތަމަ ފްލެޓް ދޭން ނިންމީ 4000 މީހުންނަށެވެ. ސަރުކާރު ނިމުންއިރު އެމީހުންނަށް އޮތީ ފްލެޓް ލިބުނު ކަމުގެ ލިޔުން ވެސް ދީފަ އެވެ. އެ މަރުހަލާ ހިނގީ ވެރިކަމުގެ އެންމެ ފަހު ދެ ދުވަހު އެވެ.

ނަމަވެސް، ފްލެޓް ދިނުމުގައި ކޮރަޕްޝަން ހިންގާފައިވާ ކަމަށް ބުނެ ބަޔަކު އޭސީސީއަށް މައްސަލަ ހުށަހެޅުމުން، ފްލެޓް ދިނުން ހުއްޓުވައި، ޕޯޓަލްގެ އެކްސެސް ވެސް މިހާރު އޮތީ އޭސީސީގެ ކޮންޓްރޯލްގެ ދަށުގަ އެވެ. އެ މައްސަލަ ތަހުގީގު ކުރުމަށް ފަހު އޭސީސީން ބުނެފައި ވަނީ ޝަރުތު ހަމަވާ ކަމަށް ކަނޑައެޅި 59.6 ޕަސެންޓް މީހުން ޝަރުތު ހަމަނުވާ ކަމަށެވެ.