ކަޅު ބާޒާރުގައި ޑޮލަރު ވިއްކަން އުޅުނު ބިދޭސީ ހަތް މީހަކު އަތުލައިގެންފި
ބީއެމްއެލްގެ ޑޮލަރު އޭޓީއެމް ކައިރީގައި ގަވާއިދާ ހިލާފަށް އުޅޭ ބިދޭސީން ކަޅު ބާޒާރުގައި ޑޮލަރު ގަނެ ވިއްކުމުގައި ހަރަކާތްތެރިވާތީ އެ މީހުން ދެނެގަތުމަށްް ހާއްސަ އޮޕަރޭޝަނެއް ހިންގާފައިވެ އެވެ.
މޯލްޑިވްސް އިމިގްރޭޝަނުން ނެރުނު ބަޔާނެއް ގައި ބުނެފައި ވަނީ ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ކުރިއަށް ގެންދާ މަސައްކަތުގެ ދަށުން ކަޅު ބާޒާރުގައި ޑޮލަރު ވިއްކަން އުޅޭ ބިދޭސީންގެ މައްސަލަ އެ އިދާރާގެ ސަމާލު ކަމަށް އައިސްފައިވާ ކަމަށެވެ.
އެ ގޮތުން މ. ސްޓާކާލައުންޑްސް އިމާރާތުގައި ހުންނަ ބީއެމްއެލްގެ ޑޮލަރު އޭޓީއެމް ކައިރީގައި ގަވާއިދާ ހިލާފަށް އުޅޭ ބިދޭސީން ކަޅު ބާޒާރުގައި ޑޮލަރު ގަނެ ވިއްކުމުގައި ހަރަކާތްތެރިވާތީ އެ މީހުން ދެނެގަތުމަށްް ހާއްސަ އޮޕަރޭޝަނެއް ހިންގާފައިވާ ކަމަށެވެ.
އިމިގްރޭޝަންގެ ރިސްކު އިންޓެލިޖެންސް އެންޑް ލީގަލް އެފެއާޒް އާއި އެންފޯސްމަންޓް އެންޑް ކޮމްޕްލަޔަންސް ގުޅިގެން ހިންގި އޮޕަރޭޝަން ގައި ހަތް މީހަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ. މި އެންމެންނަކީ ވެސް ފުޅާ ދާއިރާއެއްގައި ގަވާއިދާ ހިލާފަށް ކަޅު ބާޒާރު ގައި ޑޮލަރުގެ ވިޔަފާރި ކުރަމުން އަންނަ ބައެއް ކަމަށް އިމިގްރޭޝަނުން ބުންޏެވެ. އެ މީހުންގެ ތެރޭގައި ސައްހަ ވިސާ ނެތި ރާއްޖޭގައި އުޅެމުން އަންނަ މީހުންނާއި ދޫކޮށްފައިވާ ހުއްދައިގެ ބޭރުން މަސައްކަތް ކުރާ ބިދޭސީން ވެސް ހިމެނޭ ކަމަށް ބުންޏެވެ.
ކޮމެންޓް
Republic of Maldives