މިމަގު ހުޅުވުމުގެ ސަބަބުން އަމީނީމަގުގެ ޓްރެފިކަށް ވަނީ ބޮޑު ލުޔެއް ލިބިގެން ގޮސްފަ އެވެ. މިމަގު ބަންދުކޮށްފައި އޮންނަތާ 10 އަހަރު ވެއްޖެ އެވެ.
ބަންދުކޮށްފައި އޮންތާ 10 އަހަރު ދުވަހަށްފަހު ހުޅުވި ދޮންއަންދަރާދަ ހިންގުމުގެ ސަބަބުން އަމީނީމަގުގެ ޓްރެފިކަށް ބޮޑު ލުޔެއް ލިބިގެން ހިނގައްޖެ އެވެ.
އަމީނީމަގުން ބޮޑު ތަކުރުފާނު މަގަށް ނުކުމެވެގެން އޮންނަ ދޮންއަންދަރާދަ މަހު ހުޅުވާފައިވަނީ ރޭގެ ވަގުތެއްގަ އެވެ. މިމަގު ހުޅުވުމާ ހަމައަށް ދެ ސްކޫލް ހުންނަ މި މަގުގެ ޓްރެފިކް އެންމެ ތޮއްޖެހޭ މި ސަރަހައްދު ފެނިގެން ގޮސްފައިވަނީ ބާރު ބޮޑުކޮށެވެ. ނަމަވެސް މިއަދު ސްކޫލްތައް ހުޅުވިގެން ދިޔައިރު މިމަހުގެ ޓްރެފިކަށް ވަނީ ބޮޑު ލުޔެއް ލިބިގެން ގޮސްފަ އެވެ.
އަމީނީމަގުގެ ޓްރެފިކަށް ލުއިވެގެން ދިޔަ މައިގަނޑު ސަބަބަކީ ބޮޑު ތަކުރުފާނު މަގަށް ނުކުންނަން އިތުރު މަގެއް ހުޅުވިގެން ދިއުމެވެ. ހާއްސަކޮށް ހުޅުމާލޭން ގިނަ ބަޔަކު މާލެ ސްލޫކްތަކަށް ކިޔަވަން ކުދިން ގެންނައިރު އެ ކުދިން ގޮވައިގެން ރިންގް ރޯޑަށް ކުރު މަގަކުން ނުކުންނަން މިހާރު ވަނީ މަގު ތަނަވަސްވެފަ އެވެ.
ދޮންއަންދަރާދަ ހިނގުން ހުޅުވުމަކީ ސްޓެލްކޯގެ މިހާރުގެ މެނޭޖިން ޑިރެކްޓަރު ހުސެއިން ފަހުމީ ރޯދައިގެ ކުރިން ކުރައްވާނެ ކަމަށް ވިދާޅުވި މަސައްކަތެކެވެ. ނަމަވެސް މި މަސައްކަތް ކުރިއަށް ގެންދިއުމުގައި ގިނަ ގޮންޖެހުންތަކެއް ކުރިމަތިވި އެވެ. އެންމެ ބޮޑު ގޮންޖެހުމަކަށްވީ މި މަގަކީ ސްޓެލޯގެ އިންޖީނު ތަކެއް ބަހައްޓާފައި ހުރި މަގަކަށްވުމާއެކު އެތަނުގައި ހުރި ބޮޑެތި ކޮންކްރީޓް ބުޑަތައް ނެގުމެވެ.