އިސްރާއީލުގެ އަމަލުތައް ހުއްޓުވައި، ފަލަސްތީނުގެ ރައްޔިތުންނާ ދެކޮޅަށް ހިންގާ ހަނގުރާމައިގެ ޖަރީމާތަކަށް ޖަވާބުދާރީ ކުރުވުމަށް ކައުންސިލާއި ބައިނަލްއަގްވާމީ މުޖުތަމައަށް ރާއްޖޭން ވަނީ ގޮވާލާފައެވެ.
އިސްރާއީލަށް ހަތިޔާރު ވިއްކުން މަނާކުރުމަށް ރާއްޖޭން އދ ގަައި ގޮވާލައިފި އެވެ. ރާއްޖޭން ގޮވާލީ އަވަހަށް އެ ފިޔަވަޅު އެޅުމަށެވެ.
ފަލަސްތީނުގެ ރައްޔިތުންނާއި ދެކޮޅަށް ހިންގާ ޖަރީމާތައް ހުއްޓާލާ ހަނގުރާމަ ނިމުމަކަށް ގެނައުމަށް ލާޒިމުކޮށް އދ ގެ ސަލާމަތީ މަޖިލީހަށް ހުށަހެޅި ގަރާރު ވީޓޯ ކުރުމާ ގުޅިގެން މިހާރު ކުރިއަށްދާ ބަހުސް ގައި ރާއްޖޭގެ ފަރާތުން ބަޔާން އިއްވަވަމުން ސަފީރު ޑރ. އަލީ ނަސީރު މުހައްމަދު ވަނީ ފަލަސްތީނުގައި އިސްރާއީލުން ހިނގަމުންދާ ނަސްލު ނައްތާލުމުގެ މައްސަލަ ހުއްޓުވުމަށް އަވަސް ފިޔަވަޅު އެޅުމަށް ސަލާމަތީ މަޖިލީހަށް ގޮވާލައްވާފަ އެވެ.
މިދިޔަ މަހުގެ ފަހު ދުވަހު އިޒްރޭލުން ހިންގި ޖަރީމާތައް ވަކީން ފާހަގަ ކޮށް ރާއްޖޭގެ ބަޔާނުގައި ބުނީ އެދުވަހާއި އޭގެ ފަހުން އިސްރާއީލުން ޝަހީދުކުރި އާންމުންނަކީ ކާނާއާއި ފެނާއި އެހެނިހެން ޒަރޫރީ ތަކެތިން މަހުރޫމްކޮށްފައިވާ މީހުން ކަމަށެވެ.
އެހެން ކަމުން އިސްރާއީލުގެ އަމަލުތައް ހުއްޓުވައި، ފަލަސްތީނުގެ ރައްޔިތުންނާ ދެކޮޅަށް ހިންގާ ހަނގުރާމައިގެ ޖަރީމާތަކަށް ޖަވާބުދާރީ ކުރުވުމަށް ކައުންސިލާއި ބައިނަލްއަގްވާމީ މުޖުތަމައަށް ރާއްޖޭން ވަނީ ގޮވާލާފައެވެ.