"ބްލެކް މާކެޓްގައި ޑޮލަރުގެ ރޭޓް އެބަ ދަށްވޭ. އިންފްލޭޝަން ދަށްވާނެ، ތަކެތީގެ އަގު ދަށްވާނެ، މިއީ ރުފިޔާ ޕްރިންޓް ކުރުން ހުއްޓާލާ މަނީ ސަޕްލައި ދަށްކުރުމުގެ ރަގަޅު ނަތީޖާ. އެމްޑީޕީ ސަރުކާރުގައި މިވާހަކަ ބުނީމަ އެކަން ނުކުރީ،"
ސަރުކާރުން ފައިސާ ޗާޕު ކުރުން ހުއްޓާލުމުން އިގްތިސޯދީ ގޮތުން ރަނގަޅު ނަތީޖާ ފެންނަމުންދާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ކޮވިޑުގެ ހާލަތުގައި އާމްދަނީ ދަށްވުމުން ކުރީ ސަރުކާރުން ވަނީ ދައުލަތުގެ ހަރަދަށް ޒިންމާވުމުގެ ގާނޫނުގެ 32 ވަނަ މާއްދާ ސަސްޕެންޑް ކޮށްގެންނެވެ. ޖުމްލަ އަށް ބިލިއަން ރުފިޔާ ވަނީ ޗާޕު ކޮށްފަ އެވެ. މި ސަރުކާރުން ވަނީ އެ ގާނޫނުގެ ސަސްޕެންޝަން އުވާލައި، ފައިސާ ޗާޕު ކުރުން ހުއްޓާލާފަ އެވެ.
ރައީސް ނަޝީދުގެ އަންއޮފިޝަލް އެކްސް ހޭންޑްލްގައި މިއަދު ވިދާޅުވެފައި ވަނީ އޭގެ ސަބަބުން ކަޅު ބާޒާރުގައި ޑޮލަރުގެ ރޭޓް ވެއްޓެމުންދާ ކަމަށެވެ. މީގެ ސަބަބުން ތަކެތީގެ އަގުތައް ތިރިވާނެ ކަމަށެވެ.
"ބްލެކް މާކެޓްގައި ޑޮލަރުގެ ރޭޓް އެބަ ދަށްވޭ. އިންފްލޭޝަން ދަށްވާނެ، ތަކެތީގެ އަގު ދަށްވާނެ، މިއީ ރުފިޔާ ޕްރިންޓް ކުރުން ހުއްޓާލާ މަނީ ސަޕްލައި ދަށްކުރުމުގެ ރަގަޅު ނަތީޖާ. އެމްޑީޕީ ސަރުކާރުގައި މިވާހަކަ ބުނީމަ އެކަން ނުކުރީ،" ނަޝީދު ވިދާޅުވި އެވެ.
ސަރުކާރުގެ ނިންމުން ރަނގަޅު ކަމަށް ނަޝީދު ފާހަގަ ކުރައްވާފައިވާއިރު، އިންޓަނޭޝަނަލް މަނިޓަރީ ފަންޑް (އައިއެމްއެފް) ފަދަ ބައިނަލްއަގްވާމީ އިދާރާތަކުން ވެސް ވަނީ ރާއްޖޭގެ ނިންމުން ފާހަގަކޮށް މަރުހަބާ ދަންނަވާފަ އެވެ.
ކޮވިޑުގެ ހާލަތުގައި އާމްދަނީ ދަށްވުމުން ހޯދި އިސްތިސާގެ ބޭނުންކޮށްގެން ފައިސާ ޗާޕު ކުރުމުގެ ނަތީޖާއަކަށްވެގެން ދިޔައީ، ރާއްޖޭގެ އިގްތިސޯދަށް ބޮޑެތި ގެއްލުންތަކެއްވުމެވެ. އިގްތިސޯދުގައި ދިވެހި ފައިސާ ގިނަވެ ޑޮލަރުގެ އަގު މިހާރު މައްޗަށް އެރުމުގެ އެއް ސަބަބަކީ މާހިރުންގެ ނަޒަރުގައި މި މައްސަލަ އެވެ.
މީނަ އެއުޅެނީ އިންޑިއާ މޯދީއާއެކު ފޯރަމަށް އަރަންވާއިރަށް ސުރުހީއަށް އަރަން. އެ ފޯރަމްގަ ރާއްޖެއަށް ބަވާފަ އިންޑިއާއަށް ތައުރީފު ކުރާނެ . ތިބީ ފައްކާ ބަހުލޫލެއް