މާލެ އަތޮޅު ހުރާއަށް ނިސްބަތްވާ އެ ޒުވާނާގެ މަންމަ ބުނީ އޭނާގެ ދަރިފުޅުގެ ހާލު ވަރަށް ދެރަ ކަމަށެވެ. މިވަގުތު ފަރުވާ ދެނީ ވެންޓިލޭޓަރު ގައެވެ.
ހުޅުމާލޭގައި އެކްސިޑެންޓެއްވެ ހިނގައި އަނިޔާވި ޒުވާނާގެ ހާލު ވަރަށް ދެރަ ކަމަށް އާއިލާ އިން ބުނެފި އެވެ.
ހުޅުމާލެ ގުލްއަލާމާ ހިނގުމުގެ ހުޅަނގުން ރޭ ދަންވަރު ބާރަށް ދުއްވި ސައިކަލެއްގެ ކޮންޓްރޯލް ގެއްްލި އިމިގިރްޝަންގެ ޑިޓެންޝަން ސެންޓަރު ކުރިމަތީ ޕާކް ކޮށްފައިވާ ވޭނެއްގައި ޖެހުނުތަން ޕެޓްރޯލް ފުލުހުންނަށް ފެނިގެން ބެލި އިރު ސައިކަލް ދުއްވަން އިން މީހާ އޮތީ ވެއްޓިފައެވެ. އޭރު ވެސް ބޭރުފުށުން އެކި ޒަހަމްތައް ފެންނަން ހުއްޓެވެ.
ނަވާރަ އަހަރުގެ އެ ޒުވާނާ ހުޅުމާލޭ ޓްރީޓޮޕް ހޮސްޕިޓަލަށް ގެންގޮސް ފަރުވާ ދެމުން އަންނަ އިރު އޭނާ ދުއްވި ސައިކަލް ބޭނުން ނުކުރެވޭ ވަރަށް ހަލާކުވެފައިވާ ކަމަށް ވެސް ބުންޏެވެ.
މާލެ އަތޮޅު ހުރާއަށް ނިސްބަތްވާ އެ ޒުވާނާގެ މަންމަ ބުނީ އޭނާގެ ދަރިފުޅުގެ ހާލު ވަރަށް ދެރަ ކަމަށެވެ. މިވަގުތު ފަރުވާ ދެނީ ވެންޓިލޭޓަރު ގައެވެ. އާންމުންގެ ހެޔޮ ދުއާއަށް ވެސް ވަނީ އެދިފައެވެ.
މި ހާދިސާގައި އިމިގްރޭޝަންގެ ވޭނަށް ވެސް ބޮޑެތި ގެއްލުން ލިބިފައިވާ ކަމަށެވެ. ފުލުސް އިދާރާއިން ގެންދަނީ މި މައްސަލަ އިތުރަށް ބަލަމުންނެވެ.