ޝަމީމަށް ހަމަލާ ދިން މައްސަލާގައި ހަތް މީހަކު ބަންދުކޮށްފި
ފުލުހުން މިއަދު ބުނީ ކޯޓް އަމުރުގެ ދަށުން އެ މީހުން ހައްޔަރު ކޮށްފައި ވަނީ އެކި ދުވަސް މަތިން ކަމަށެވެ. އެމީހުންގެ ބަންދާމެދު ގޮތެއް ނިންމުމަށް ކޯޓަށް ގެންދިއުމުން، ޝަރީއަތް ނިމެންދެން ބަންދުކޮށްފައިވާ ކަމަށް ވެސް މައުލޫމާތު ދީފައިވެ އެވެ.
ޕްރޮސެކިއުޓަރު ޖެނެރަލް ހުސައިން ޝަމީމަށް ހަމަލާ ދިން ކަމުގެ ތުހުމަތުގައި މިހާތަނަށް ހަތް މީހަކު ހައްޔަރުކޮށްފި އެވެ.
ފުލުހުން މިއަދު ބުނީ ކޯޓް އަމުރުގެ ދަށުން އެ މީހުން ހައްޔަރު ކޮށްފައި ވަނީ އެކި ދުވަސް މަތިން ކަމަށެވެ. އެމީހުންގެ ބަންދާމެދު ގޮތެއް ނިންމުމަށް ކޯޓަށް ގެންދިއުމުން، ޝަރީއަތް ނިމެންދެން ބަންދުކޮށްފައިވާ ކަމަށް ވެސް މައުލޫމާތު ދީފައިވެ އެވެ.
މިދިޔަ ޖެނުވަރީ މަހުގެ 31 ވަނަ ދުވަހު ހެނދުނު ސައިކަލެއްގައި އައި ދެ މީހަކު ވަނީ މަރުތޭލަކުން ޝަމީމަށް ހަމަލާ ދީފަ އެވެ. ހަމަލާ އަމާޒުވީ ޝަމީމްގެ އަތަށެވެ. އެ ހަމަލާއާ ގުޅިގެން ޝަމީމްގެ އަތުގެ ކަށިގަނޑުގައި ވަނީ ރެނދެއް އަޅާފަ އެވެ.
ޝަމީމަށް ހަމަލާ ދިން ދެ މީހުން ތިބީ މޫނު ނިވާކޮށްގެން އެއީ ކޮން ބައެއްކަން ނޭންގޭ ގޮތަށް ހަދައިގެންނެވެ. މި މައްސަލައިގައި އެންމެ ފުރަތަމަ ހައްޔަރު ކޮށްފައި ވަނީ ފުރަތަމަ ހައްޔަރު ކުރީ އެ ދެ މީހުން ކަމަށްވެ އެވެ.
އެމީހުން ޝަމީމަށް ހަމަލާ ދީފައި ވަނީ ފާރަލުމަށްފަހު އެވެ. މި މައްސަލައިގެ މާބޮޑު ތަފްސީލެއް ފުލުހުން ހާމަކޮށްފައެއް ނުވެ އެވެ.
ކޮމެންޓް
Republic of Maldives