މިއަދު މަޖިލީހުގެ ތަޅުމުގައި ކޮމެޓީ ރިޕޯޓަށް ވޯޓަށް އެހުމުން، 49 މެމްބަރުން އިއްތިފާގުން ވަނީ އެ މުއައްސަސާތަކުގެ މުސާރަ ބޮޑުކުރަން ފާސްކޮށްފަ އެވެ.
ރައްޔިތުންގެ މަޖިލީސް މެމްބަރުންގެ މުސާރަ ނުހިމަނައި، ޖުޑިޝަރީ އާއި ކައުންސިލްތައް އަދި އެހެނިހެން މިނިވަން މުއައްސަސާތަކުގެ މުސާރަ ބޮޑުކުރަން ފާސްކޮށްފި އެވެ.
އެހެނިހެން މުއައްސަސާތަކުގެ މުސާރަ ބޮޑުކުރަން މަޖިލީހުން މިއަދު ފާސްކޮށްފައިވާއިރު، މަޖިލީސް މެމްބަރުންގެ މުސާރަ، އެއްލައްކަ ރުފިޔާއަށް ބޮޑުކުރަން ކުރިން އޮތީ ނިންމާފަ އެވެ. ނަމަވެސް މަޖިލީހުގެ މާލިއްޔަތު ކޮމެޓީން ފަހުން ވަނީ އެ ނިންމުން ބަދަލުކޮށްފަ އެވެ.
މިއަދު މަޖިލީހުގެ ތަޅުމުގައި ކޮމެޓީ ރިޕޯޓަށް ވޯޓަށް އެހުމުން، 49 މެމްބަރުން އިއްތިފާގުން ވަނީ އެ މުއައްސަސާތަކުގެ މުސާރަ ބޮޑުކުރަން ފާސްކޮށްފަ އެވެ.
ރައްޔިތުންގެ މަޖިލީސް އިދާރާގައި ކަނޑައަޅަން ޖެހޭ އެހެނިހެން ފަރާތްތަކުގެ މުސާރަ ވެސް ވަނީ ބޮޑުކޮށްފަ އެވެ. އޭގެ ތެރޭގައި ޓެކްސް އެޕޯލް ޓްރިބިއުނަލް މެމްބަރުންނާއި، ޑިރެކްޓަރުންގެ ބޯޑުގެ މުސާރައާއި މީޑިއާ ކައުންސިލްގެ މުސާރަ ހިމެނެ އެވެ.
އަދި، މީރާގެ ޑިރެކްޓަރުންގެ ބޯޑާއި، ޕްރައިވަޓައިޒޭޝަން ބޯޑުގެ މެމްބަރުންނާއި ޕޭ ކޮމިޝަންގެ މެމްބަރުންގެ މުސާރަ ވެސް ވަނީ ބޮޑުކޮށްފަ އެވެ.