އެމީހުން ބަންދު ކުރަން ނެރުނު ކޯޓް އަމުރުގައި ބުނީ، ފަނޑިޔާރުންނަށް އިންޒާރު ދިން މައްސަލައިގައި އެމީހުން ހައްޔަރުކުރަން ސީނަށް ދިޔަ ފުލުހުންނަށް ވެސް އިންޒާރު ދީފައިވާ ކަމަށެވެ.
މި މައްސަލައިގައި ފުލުހުން ހައްޔަރުކޮށްފައި ވަނީ އުމުރުން 32 އަހަރުގެ މީހަކާއި އުމުރުން 22 އަހަރުގެ މީހެކެވެ. އެމީހުންގެ ބަންދު މުއްދަތު ޖަހަން އިއްޔެ ކްރިމިނަލް ކޯޓަށް ގެންދިއުމުން 32 އަހަރުގެ މީހާ ފަސް ދުވަހަށް ބަންދު ކުރަން ވަނީ އަމުރުކޮށްފަ އެވެ. އަދި، 22 އަހަރުގެ މީހާ 15 ދުވަހަށް ވަނީ ބަންދުކޮށްފަ އެވެ.
އެމީހުން ބަންދު ކުރަން ނެރުނު ކޯޓް އަމުރުގައި ބުނީ، ފަނޑިޔާރުންނަށް އިންޒާރު ދިން މައްސަލައިގައި އެމީހުން ހައްޔަރުކުރަން ސީނަށް ދިޔަ ފުލުހުންނަށް ވެސް އިންޒާރު ދީފައިވާ ކަމަށެވެ.
އެމީހުން ބަންދު ކުރީ އެ މީހުންގެ ފަރާތުން މުޖުތަމައަށް ނުރައްކާ އޮތް ކަމަށް ފެންނާތީ އެވެ. މި ދެ މީހުންނަކީ ވެސް އިންޒާރު ދިނުން ފަދަ ކުށުގެ ރެކޯޑު އޮންނަ ބައެއް ކަމަށް ވެސް އަމުރުގައި ބަޔާންކޮށްފައިވެ އެވެ.