މި ކުންފުނިން ރާއްޖޭގައި 800 މިލިއަން ޑޮލަރު އިންވެސްޓް ކުރާނެ އެވެ. މި މަޝްރޫއުގެ ދަށުން ވިލިނގިއްޔާއި އެއާޕޯޓް ހައިވޭއަކުން ގުޅާލާނެ އެވެ.
ދުނިޔޭގެ އެންމެ އައިކޮނިކް ބިނާ ކަމަށްވާ ބްރުޖް ހަލީފާ ހެދި ކުންފުނިން ރާއްޖޭގައި އިންވެސްޓް ކުރަން ނިންމައި، ގއ. ވިލިނގިލީ ފަޅު ތެރޭގައި އިންޓަނޭޝަނަލް އެއާޕޯޓްއަކާއި 17 ރިސޯޓް ހަދަން އެމްއޯޔޫއެއްގައި ކޮށްފި އެވެ.
ރައީސް ޑރ. މުހައްމަދު މުއިއްޒު ހުވަދު އަތޮޅަށް ކުރައްވަމުން ގެންދާ ރަސްމީ ދަތުރުފުޅުމުގައި މިއަދު ވިލިނގިލީގައި ބޭއްވި ރަސްމިއްޔާތެއްގައި ވިލިނގިލީ އިންޓަނޭޝަނަލް އެއާޕޯޓް މަޝްރޫއުގެ ހިންގަން ހަވާލުކުރީ ދުބާއީގެ ބްރުޖުހަލީފާ ހެދި ބެލްޖިއަމްގެ ބީސިކްސް ގްރޫޕާ އެވެ.
ވިލިނގިލީ އިންޓަނޭޝަނަލް އެއާޕޯޓާއި އިންޓަގްރޭޑެޓް ޓޫރިޒަމް ހަބް މަޝްރޫއު އިފްތިތާހު ކުރުމުގެ ރަސްމިއްޔާތުގައި ސަރުކާރުގެ ވަޒީރުންނާއި ކުންފުނިތަކުގެ ވެރިން އަދި ޕްރިންސިޕަލް އެޑްވައިޒަރު ޓު ދަ ޕްރެޒިޑެންޓް އޮން ޓްރޭޑް އެންޑް އިންވެސްޓްމަންޓް މުހައްމަދު އަލީ ޖަނާހު ބައިވެރިވަޑައިގަތެވެ.
މި އެމްއޯޔޫގައި ސަރުކާރުގެ ފަރާތުން ސޮއިކުރެއްވީ އިންފްރާންޓްރަކްޗަރު މިނިސްޓަރު އަބްދުﷲ މުއްތޮލިބު އެވެ. އަދި މި މަޝްރޫއު ހިންގަން ހަވާލުވާ ބީސިކްސްގެ ފަރާތުން ސޮއިކުރެއްވީ އެ ކުންފުނީގެ ބާނީގެ އާއިލާގެ ފަރާތުންނެވެ. މި ކުންފުނީގެ މައި ހިއްސާދާރަކީ މިސްރުގެ ހޮރަސްކޮމް އެވެ.
ޖަނާހް އަކީ ރިސްކް ނަންގަވައިގެން އެންމެ ފުރަތަމަ ހުވަދު އަތޮޅުގައި ރިސޯޓެއް ތަރައްގީ ކުރި ވިޔަފާރިވެރިޔާ އެވެ. އަދި މެދުއިރުމަތީގެ ވިޔަފާރީގެ ޕާޓްނަރުންނާއެކު ވިޔަފާރި ކުރައްވާ ބޭފުޅެކެވެ.
މި މަޝްރޫއުގެ ދަަށުން ގއ. ވިލިނގިއްޔާއި މި އެއާޕޯޓް އަޅާ ރަށް ކޯޒްވޭއަކުން ގުޅާލާނެ އެވެ. މި މަޝްރޫއުގެ ޖުމްލަ އަގަކީ 800 މިލިއަން ޑޮލަރު (12 ބިލިއަން ރުފިޔާ) އެވެ. މި އިންވެސްޓް ކުރަނީ އެ ކުންފުނިން އަމިއްލަ އަށެވެ. މިއީ ސަރުކާރުން ހަރަދު ކުރާ މަޝްރޫއެއް ނޫނެވެ.
މި މަޝްރޫއުގެ ދަށުން ވިލިނގިއްޔާއި އެއާޕޯޓް ގުޅާލާ ކޯޒްވޭގެ ދިގު މިނުގައި 17 ކިލޯމީޓަރު ހުންނާނެ އެވެ. މި ރަށުގައި ހަދާ އެއާޕޯޓަކީ އެންމެ ޒަމާނީ ހުރިހާ ވަސީލްތަކެއް ހުރި އިންޓަނޭޝަނަލް އެއާޕޯޓަކަށްވާނެ އެވެ.
މި މަޝްރޫއުގެ ދަށުން ވިލިނގިލީ ފަޅުގައި 17 ރަށް ތަރައްގީ ކުރާނެ އެވެ. މީގެ ތެރޭގައި ހިމެނެނީ އަށް ޕްރައިވެޓް އައިލެންޑާއި ބޮޑު ނުވަ ރިސޯޓެވެ. މި މަޝްރޫއާއެކު ހުވަދޫގެ އެނދުގެ އަދަދު 5،000 އަށް އިތުރު ވެގެންދާނެ އެވެ.
ބަދަލުގެ ގޮުތުގައި ކުންފުންޏަށް ކިތައް ރަށް ދޭންޖެހޭ؟؟؟؟؟