ބިދޭސީންގެ މިނިމަމް ވޭޖު ފަސްކުރަން މަޖިލީހުން ފާސްކޮށްފި
އިސްލާހުގެ ބިލު ހުށަ ހަޅައި ފުރަތަމަ ކިޔުން އިއްވީ މި މަހުގެ ހަތްވަނަ ދުވަހު އެވެ. އަދި ބިލް ވަނީ އިޖްތިމާއީ ކޮމިޓީއަށް ފޮނުވާފައެވެ. ކޮމެޓީންވެސް ނިންމީ ސަރުކާރުން ހުށައެޅި ގޮތަށް ބިދޭސީންގެ މިނިމަމް ވޭޖް ފަސްކުރުމަށެވެ. ކޮމެޓީ ރިޕޯޓް ފާސްކުރުމަށް ނެގުނު ވޯޓްގައި އެ ގޮތަށް ފެންނަ ކަމަށް 49 މެންބަރަކު ވޯޓް ދެއްވިއެވެ. އެގޮތަށް ފާސްކުރުމާއި ދެކޮޅަށް ވޯޓް ދެއްވީ އެންމެ މެންބަރެކެވެ.
ރާއްޖޭގެ މަސައްކަތު އާބާދީގައި ހިމެނޭ ބިދޭސީންނަށް މިނިމަމް ވޭޖުގެ މުސާރަ ދޭން ފެށުން ވަޒީފާއާ ބެހޭ ގާނޫނުގައި ބުނާ މުއްދަތު ފަސް ކުރަން ސަރުކާރުން އެ ގާނޫނަށް ހުށައެޅި އިސްލާހު ރައްޔިތުންގެ މަޖިލީހުން ފާސްކޮށް ދީފި އެވެ.
އިސްލާހުގެ ބިލު ހުށަ ހަޅައި ފުރަތަމަ ކިޔުން އިއްވީ މި މަހުގެ ހަތްވަނަ ދުވަހު އެވެ. އަދި ބިލް ވަނީ އިޖްތިމާއީ ކޮމިޓީއަށް ފޮނުވާފައެވެ. ކޮމެޓީންވެސް ނިންމީ ސަރުކާރުން ހުށައެޅި ގޮތަށް ބިދޭސީންގެ މިނިމަމް ވޭޖް ފަސްކުރުމަށެވެ. ކޮމެޓީ ރިޕޯޓް ފާސްކުރުމަށް ނެގުނު ވޯޓްގައި އެ ގޮތަށް ފެންނަ ކަމަށް 49 މެންބަރަކު ވޯޓް ދެއްވިއެވެ. އެގޮތަށް ފާސްކުރުމާއި ދެކޮޅަށް ވޯޓް ދެއްވީ އެންމެ މެންބަރެކެވެ.
މިނިވަން ވޭޖްގެ ގާނޫނު ހެދި އިރުވެސް ބިދޭސީންނަށް މިނިމަމް ވޭޖް ދިނުން ފަސް ކުރަން ރާއްޖޭގެ އިގްތިސޯދީ މާހިރުން ސަރުކާރަށް ލާފަ އަރުވަމުން ދިޔަ އެވެ. އަދި ކުންފުނިތަކުން އެކަން ފާހަގަކޮށް ކަންބޮޑުވުން ވެސް ފާޅު ކުރި އެވެ. ނަމަވެސް އޭރު އަޅައި ނުލައި ބިދޭސީންގެ ސުންގަޑި ވެސް ހިމަނައިގެން ގާނޫނު ފާސް ކުރީ އެވެ.
އިސްލާހު ވެއްދީ ވަޒީފާ އާ ބެހޭ ގާނޫނުގެ 62 ވަނަ މާއްދާގެ އަކުރު (ކ) އަށެވެ. އެ އިސްލާހުގައި ބުނާ ގޮތުން ބިދޭސީއެއް ނަމަ މިނިމަމް ވޭޖް ދޭން ޖެހޭނީ ރާއްޖޭގެ އިގްތިސާދީ ހާލަތަށާއި ގައުމުގެ ފުދުންތެރިކަމާއި އުފެއްދުންތެރިކަމަށް ރިއާޔަތްކޮށް، އެޑްވައިޒަރީ ބޯޑުން ދޭ ލަފާގެ މަތިން ސަރުކާރުން ކަނޑައަޅާ ތާރީހެއްގަ އެވެ.
މި އިސްލާހު ވެއްދި އިރު ވަޒީފާއާ ބެހޭ ގާނޫނު އިސްލާހުކޮށް މިނިމަމް ވޭޖު ދިނުން މަޖުބޫރު ކުރީ 2020 ވަނަ އަހަރުގަ އެވެ. އަމަލު ކުރަން ފެށީ ޖެނުއަރީ 1، 2021 ގަ އެވެ. ގާނޫނު ބުނާ ގޮތުން ބިދޭސީއެއް ނަމަ ސަރުކާރުން ކަނޑައަޅާ މިނިމަމް ވޭޖަށް އަމަލު ކުރަން ޖެހޭނީ އެ ގާނޫނަށް އަމަލު ކުރަން ފަށާތާ ދެ އަހަރު ފަހުންނެވެ.
ރާއްޖޭގެ މިނިމަމް ވޭޖްގެ ދާއިރާތަކާއި މިނިމަމް ވޭޖް
- ސިވިލް ސާވިސް: މަހަކު 7،000ރ.
- ކުދި ވިޔަފާރިތަކަށް: މަހަކު 4،500 ރ.
- މެދު ފަންތީގެ ވިޔަފާރިތަކަށް: މަހަކު 7،000 ރ.
- ބޮޑެތި ވިޔަފާރިތަކަށް، މަހަކު 8،000 ރ.
ވަޒީފާއާ ބެހޭ ގާނޫނު އިސްލާހުކޮށް މިނިމަމް ވޭޖު ދިނުން މަޖުބޫރު ކުރީ 2020 ވަނަ އަހަރުގަ އެވެ. އަމަލު ކުރަން ފެށީ ޖެނުއަރީ 1، 2021 ގަ އެވެ. ގާނޫނު ބުނާ ގޮތުން ބިދޭސީއެއް ނަމަ ސަރުކާރުން ކަނޑައަޅާ މިނިމަމް ވޭޖަށް އަމަލު ކުރަން ޖެހޭނީ އެ ގާނޫނަށް އަމަލު ކުރަން ފަށާތާ ދެ އަހަރު ފަހުންނެވެ.
ކޮމެންޓް
Republic of Maldives