ތިނަދޫ އިންޓަނޭޝަނަލް އެއާޕޯޓް މަޝްރޫއު އިފްތިތާހު ކޮށްފި

ގދ. ތިނަދޫ ސިޓީ އިންޓަނޭޝަނަލް އެއާޕޯޓް މަޝްރޫއު އިފްތިތާހު ކޮށްފި އެވެ.

މިއީ ދިވެހި ސަރުކާރުން އެއްވެސް ފައިސާއެއް ހަރަދު ކުރަން ނުޖެހޭ ގޮތަށް ކުރިއަށް ގެންދާ މަޝްރޫއު އެކެވެ. މުޅި ހުވަދޫ އަތޮޅުގައި މިހާތަނަށް ހިންގޭ އެންމެ ބޮޑު މަޝްރޫއު ކުރިއަށް ގެންދަނީ ޑިވެލޮޕާ ހުރިހާ ހަރަދެއް ކުރާ ގޮތަށެވެ. މަޝްރޫއުގެ ޑިވެލޮޕަރަކީ ތައިލެންޑްގެ ޕޭން ޕެސިފިކް ކޮމްޕެނީ ލިމިޓެޑުންނެވެ.

އިމާރާތް ކުރުމާއި ބިނާރާ ބެހޭ ވުޒާރާ އިން ބުނި ގޮތުގައި މިއީ 400 - 600 މިލިއަން ޑޮލަރުގެ މަޝްރޫއު އެކެވެ.

މި މަޝްރޫއުގެ ދަށުން ކުރަން ހުށައަޅާފައިވާ މައިގަނޑު މަސައްކަތްތަކަކީ؛

ރައީސުލްޖުމްހޫރިއްޔާ ޑރ. މުހައްމަދު މުއިއްޒު، ގދ. ތިނަދޫ ސިޓީގެ ރައްޔިތުންނާއި ބައްދަލު ކުރެއްވުމަށް މިރޭ ބޭއްވި ޖަލްސާ ގައި މި މަޝްރޫއު ފެށުމުގެ ރަސްމިއްޔާތު ގައި ސޮއިކުރެއްވީ އިމާރާތް ކުރުމާއި ބިނާރާ ބެހޭ ވުޒާރާގެ ވަޒީރު ޑރ. އަބްދުﷲ މުއްތަލިބެވެ. މި މަޝްރޫއުގެ ޕްރޮޕޯނަންޓްގެ ފަރާތުން ސޮއިކުރެއްވީ ޕޭން ޕެސިފިކް ކޮމްޕެނީ ސީއީއޯ ޖިރާޓް ޕެތްނުންތަވޮންގް އެވެ.

އިމާރާތް ކުރުމާއި ބިނާރާ ބެހޭ ވުޒާރާގެ ވަޒީރު ޑރ. އަބްދުﷲ މުއްތަލިބު ވިދާޅުވި ގޮތުގައި އެއާޕޯޓް ތަރައްގީ ކުރަނީ ސީޕްލޭން ޓާމިނަލަކާ ވެސް އެކު ސީޕްލޭން ހަބެއް ގާއިމު ކުރެވޭނެ އެވެ. އަދި ވިދާޅުވީ އެންމެ ބޮޑެތި ބޯޓް ފަހަރަށް ޖެއްސޭނެ ރަންވޭއެއް ތިނަދޫ ފަޅުގައި ތަރައްގީ ކުރާނެ ކަމަށެވެ. އަދި ޕްރިމިއާ ފްލައިން ސުކޫލެއް ގާއިމު ކުރުމާއި ފްލައިޓްތަކަށް ސާވިސް ދިނުމަށް އެމްއާރްއޯ އަކާއި ކާގޯގެ ހިދުމަތް ލިބޭ ވަސީލަތްތައް ގާއިމު ކުރެވޭނެ ކަމަށެވެ. މީގެ އިތުރުން ފިއުލް ފާމެއް ވެސް ގާއިމު ކުރާނެ އެވެ.

"މީގެ އިތުރުން އެއާ އެންބިއުލާންސްގެ ހިދުމަތާއި ޑިކޮމްޕްރެޝަން ޗެމްބާ ފަދަ ވަސީލަތްތައް ވެސް މި ތަނުގައި ގާއިމުވެފައި ހުންނާނެ،" ވަޒީރު މުއްތަލިބު ވިދާޅުވި އެވެ.

މި މަޝްރޫއު ހިންގާ ކުންފުނިން އެކަނި ވެސް 12 ރިސޯޓް ހުވަދޫ ގައި ތަަރައްގީ ކުރަން ހުށައަޅާފައިވާ ކަމަށް މިނިސްޓަރު ވިދާޅުވި އެވެ.