މާލެ ސިޓީގެ 17 ދާއިރާއަށް ވެސް އެމްޑީޕީއާ ކޮންގްރެސް ގެ އިތުރުން ދަ ޑިމޮކްރެޓްސްގެ ކެންޑިޑޭޓުން ވާދަ ކުރެ އެވެ. އަދި އެމްޑީޕީއާ ކޮންގްރެސް ޕާޓީގެ ޕްރައިމަރީން ބަލިވި ބައެއް ކެންޑިޑޭޓުން އަމިއްލަ ގޮތުން ވެސް ވާދަ ކުރެ އެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި މާލެ ސިޓީގެ 17 ގޮނޑިއަށް 87 ކެންޑިޑޭޓުން ވާދަ ކުރާ ކަމަށް އިލެކްޝަންސް ކޮމިޝަނުން ބުނެފި އެވެ.
ކޮމިޝަނުން މިހާރު ވަނީ މަޖިލީސް ވިހީ ގައި ދާއިރާތަކަށް ކުރިމަތިލާ ކެންޑިޑޭޓުންގެ މައުލޫމާތު އާންމު ކޮށްފައެވެ. ކުރީ އިންތިހާބު ތަކެކޭ އެއްގޮތަށް މި ފަހަރު ވެސް އެންމެ ގިނަ ކެންޑިޑޭޓުން ކުރިމަތިލާފައި ވަނީ މާލެ ސިޓީގެ ދާއިރާތަކަށެވެ.
މާލެ ސިޓީގެ ޖުމްލަ 17 ދާއިރާއެއް ހިމެނެ އެވެ. އެއީ ވިލިމާލެ ދާއިރާ އާއި ހުޅުމާލޭގެ ތިން ދާއިރާ އަކާއި މާލޭގެ 13 ދާއިރާ އެވެ. އެންމެ ގިނަ ކެންޑިޑޭޓުން ކުރިމަތިލާފައި ވަނީ މާލޭގެ މާފަންނު މެދު ދާއިރާ އަށެވެ. އެ ދާއިރާއަށް ޖުމްލަ 8 ކެންޑިޑޭޓުން ވާދަ ކުރެ އެވެ.
ދެންް އެންމެ ގިނަ ކެންޑިޑޭޓުން ވާދަ ކުރަނީ ގަލޮޅު އުތުރު ދާއިރާ އަށެވެ. އެ ދާއިރާއަށް ހަތް ކެންޑިޑޭޓުން ވާދަ ކުރެ އެވެ.
މާލެ ސިޓީގެ 17 ދާއިރާއަށް ވެސް އެމްޑީޕީއާ ކޮންގްރެސް ގެ އިތުރުން ދަ ޑިމޮކްރެޓްސްގެ ކެންޑިޑޭޓުން ވާދަ ކުރެ އެވެ. އަދި އެމްޑީޕީއާ ކޮންގްރެސް ޕާޓީގެ ޕްރައިމަރީން ބަލިވި ބައެއް ކެންޑިޑޭޓުން އަމިއްލަ ގޮތުން ވެސް ވާދަ ކުރެ އެވެ. ގިނައީ ކޮންގްރެސްގެ ޕްރައިމަރީން ބަލިވި ކެންޑިޑޭޓުންނެވެ.
އެމްއެންޕީގެ އެއް ކެންޑިޑޭޓްގެ އިތުރުން ދެން ހިމެނެނީ އަމިއްލަ ކެންޑިޑޭޓުންނެވެ. އޭގެ ތެރޭގައި ރައީސް ޔާމީންގެ ތާއީދާއެކު ނިކުންނަ ކެންޑިޑޭޓުން ވެސް ހިމެނެ އެވެ.