އެ މަނިކުފާނު އެހެން ވިދާޅުވި އިރު ރާއްޖެ މިހާތަނަށް އައިއެމްއެފްގެ ޕްރޮގްރާމެއް ނަގަން މަސައްކަތް ކޮށްފައި އެ މަނިކިފާނުގެ ވެރިކަމުގައި 2009 ވަނަ އަހަރު އެވެ.
ކްލައިމެޓް ވަލްނަރަބުލް ފޯރަމް (ސީވީއެފް) ގައި ހިމެނޭ ގައުމުތައް އައިއެމްއެފްގެ ޕްރޮގްރާމެއްގައި ބައިވެރިވާން ނުޖެހޭނެ ކަމަށް ކުރީގެ ރައީސް މުހައްމަދު ނަޝީދު ވިދާޅު ވެއްޖެ އެވެ.
ނަޝީދު އެކްސްގައި ވިދާޅުވީ ރާއްޖެ ފަދަ ސީވީއެފް ގައުމެއް ދަރަނިން ސަލާމަތް ވާން އައިއެމްއެފްގެ ޕްރޮގްރާމެއްގައި ބައިވެރިވާކަށް ނުޖެހޭނެ ކަމަށާއި އެފަދަ ގައުމުތަކަށް ސީވީއެފް ވީ20 ސެކްރެޓޭރިއަޓުން އެހީތެރިކަން ދޭނެ ކަމަށެވެ. އަދި ކާބަން ޓްރޭޑިން ފަދަ ދަރަނި ކުޑަ ކުރުމުގެ ފުރުސަތުތައް ދެނެގަތުމަށް ފަންނީ އެހީތެރިކަން ދޭނެ ކަމަށެވެ.
އެ މަނިކުފާނު އެހެން ވިދާޅުވި އިރު ރާއްޖެ މިހާތަނަށް އައިއެމްއެފްގެ ޕްރޮގްރާމެއް ނަގަން މަސައްކަތް ކޮށްފައި އެ މަނިކިފާނުގެ ވެރިކަމުގައި 2009 ވަނަ އަހަރު އެވެ.
އެ ފަހަރު ނަގަން ނިންމި ޕްރޮގްރާމުގެ ދަށުން މާލީ ސިޔާސަތުތައް އިސްލާހު ކުރަން ގިނަ ފިޔަވަޅުތަކެއް އަޅަން ހިފި އެވެ. ސަބްސިޑީ ރިފޯމްކޮށް ސިވިސް ސާވިސް މަދު ކުރަން އުޅުނެވެ.
ސިވިސް ސާވިސް މުވައްޒަފުންނަށް ބަލްކް ޕޭމަންޓެއް ދީ ރިޓަޔާކޮށް ޕްރައިވެޓް ސެކްޓަރަށް ވައްދައި ސަރުކާރުގެ ހަރަދު ކުޑަ ކުރަން ވިސްނި އެވެ. އެކަމަކު އެކަމެއް އެ ސަރުކާރަކަށް ނުވި އެވެ. އެހެންވެ އެ ޕްރޮގްރާމް ފެއިލްވީ އެވެ. އޭގެ ފަހުން އެ ވާހަކައެއް ނުދައްކަ އެވެ.