ޗައިނާ ސަރުކާރުން 200 ސްކޮލަޝިޕް ދެނީ ހަމައެކަނި ދިވެހިންނަކަށް ނޫން
މި ސްކޮލަޝިޕަށް ކުރިމަތިލާން ބޭނުންވާ ދިވެހިންނަށް މިނިސްޓްރީން ފުރުސަތު ހުޅުވާލައިފައި ވަނީ އޭޕްރީލް މަހުގެ 15 ވަނަ ދުވަހުގެ ނިޔަލަށެވެ. ޗައިނާގެ 78 ޔުނިވާސިޓީގެ ކޯސްތަކުގައި ބައިވެރިވުމުގެ ފުރުސަތު ވަނީ ހުޅުވާލައިފަ އެވެ.
ޗައިނީސް ސްކޮލަޝިޕް ކައުންސިލުން ހިންގާ "ޔޫތް އޮފް އެކްސެލެންސް ސްކީމް އޮފް ޗައިނާ" ގެ ދަށުން 200 ސްކޮލިޝިޕަށް އެދި ހުޅުވާލީ ހަމައެކަނި ދިވެހިންނަށް ނޫން ކަމަށް ހަޔާ އެޑިއުކޭޝަން މިނިސްޓްރީން ބުނެފި އެވެ.
ޗައިނީސް ސްކޮލަޝިޕް ކައުންސިލުން ހިންގާ "ޔޫތް އޮފް އެކްސެލެންސް ސްކީމް އޮފް ޗައިނާ ޕްރޮގްރާމް" ގެ ދަށުން ސްކޮލަޝިޕަށް އެދުމުގެ ފުރުސަތު ހުޅުވާލުމުން ހަޔާ އެޑިއުކޭޝަން މިނިސްޓްރީން ވަނީ އިއުލާނެއް ކޮށްފަ އެވެ. އެ އިއުލާނު ކުރުމާއެކު އެއީ ހަމައެކަނި ދިވެހިންނަށް އޮތް ފުރުސަތެއް ކަމަށް ހީވެފައި އޮތުމުން މިއަދު އެ މިނިސްޓްރީން ވަނީ އެކަން ސާފުކޮށްދީފަ އެވެ.
ހަޔާ އެޑިއުކޭޝަން މިނިސްޓްރީން ބުނީ މި ސްކޮލަޝިޕް ސްކީމްގެ ދަށުން ޗައިނާގައި ހިންގާ މާސްޓާސް ޕްރޮގްރާމްތަކުގައި ބައިވެރިވުމުގެ ފުރުސަތު ރާއްޖެއަށް ވެސް އޮތް ކަމަށް އެގައުމުން އަންގާފައިވާ ކަމަށެވެ. އަދި، އެއީ ހަމައެކަނި ދިވެހިންނަށް ހާއްސަކޮށްގެން ހުޅުވާލި 200 ސްކޮލަޝިޕް ނޫން ކަމަށް ވެސް ބުނެފައިވެ އެވެ.
މި ސްކޮލަޝިޕަށް ކުރިމަތިލާން ބޭނުންވާ ދިވެހިންނަށް މިނިސްޓްރީން ފުރުސަތު ހުޅުވާލައިފައި ވަނީ އޭޕްރީލް މަހުގެ 15 ވަނަ ދުވަހުގެ ނިޔަލަށެވެ. ޗައިނާގެ 78 ޔުނިވާސިޓީގެ ކޯސްތަކުގައި ބައިވެރިވުމުގެ ފުރުސަތު ވަނީ ހުޅުވާލައިފަ އެވެ.
ޗައިނާގައި މާސްޓާސްއަށް ކިޔެވުމަށް ފުރުސަތު ހުޅުވާލާފައި ވާއިރު، އެ ގައުމުގެ ރައީސް ޝީ ޖިންޕިންގެ ދައުވަތަކަށް އެ ގައުމަށް ކުރެއްވި ފުރަތަމަ ފުރަމާނަ ދަތުރުފުޅަށް ފަހު ރާއްޖެ ވަޑައިގެން ރައީސް ޑރ. މުހައްމަދު މުއިއްޒު ވަނީ އެ ގައުމުން ތައުލީމީ ދާއިރާއަށް އެހީވާން ނިންމާފައިވާ ކަން އިއުލާނު ކުރައްވާފަ އެވެ. އެގޮތުން ގިނަ ސްކޮލަޝިޕް ފުރުސަތުތައް ފަހިކޮށްދޭން އެއްބަސްވެފައިވާ ކަމަށް ވިދާޅުވި އެވެ.
ކޮމެންޓް
Republic of Maldives