މި އަހަރުގެ މިހާތަނަށް ރިކަރަންޓް ހޭދައިގެ ގޮތުގައި 392.2 މިލިއަން ރުފިޔާ ވަނީ ހޭދަވެފަ އެވެ. މިދިޔަ އަހަރު މި އަދަދު ހުރީ 518.6 މިލިއަން ރުފިޔާގަ އެވެ.
އާ އަހަރުގެ ފުރަތަމަ 11 ދުވަސް ވޭތު ވެގެން ދިޔައިރު ދައުލަތުގެ ބަޖެޓުގެ ޖުމްލަ ބަޖެޓުން ހަރަދު ކުރަމުންދާ މިންވަރު މިދިޔަ އަހަރަށްވުރެ 144 މިލިއަން ރުފިޔާ ހުރީ ދަށުގަ އެވެ.
މުސާރަތައް ބޮޑު ކުރުމާއި ގިނަ ހަރަދު ތަކެއް ވާރުތަވެގެން ގޮސްފައިވާ މިއަހަރުގެ ބިޔަ ބަޖެޓުން މި އަހަރުގެ މިހާތަނަށް ޖުމްލަ ހަރަދުގެ ގޮތުގައި ހޭދަކޮށްފައިވަނީ 524.0 މިލިއަން ރުފިޔާ އެވެ. ނަމަވެސް މިދިޔަ އަހަރުގެ މި މުއްދަތާ ހަމައަށް ބަލާނަމަ މި އަދަދު ހުރީ 668.7 މިލިއަން ރުފިޔާ އެވެ. އެހެންކަމުން މިއީ ޖުމްލަ ބަޖެޓުގެ ހަރަދު ރިކަންޓް / އެކްސްޕެންޑިޗާ އެއްކޮށް ބަލާނަމަ 144 މިލިއަން ރުފިޔާގެ ދަށްވުމެކެވެ.
މި އަހަރުގެ މިހާތަނަށް ރިކަރަންޓް ހޭދައިގެ ގޮތުގައި 392.2 މިލިއަން ހަރަދުކޮށްފައިވެ އެވެ. ނަމަވެސް މިދިޔަ އަހަރު މި އަދަދު ހުރީ 518.6 މިލިއަން ރުފިޔާގަ އެވެ. އަދި ރިކަރަންޓް ހޭދައިގެ ތެރޭގައި ހިމެނޭ މުސާރަ ދޭން މި އަހަރު 4.3 މިލިއަން ރުފިޔާ ހަރަދު ކޮށްފައިވެ އެވެ. މިދިޔަ އަހަރު މި އަދަދު ހުރީ 5.9 މިލިއަނުގަ އެވެ.
މިދިޔަ އަހަރުގެ މިހާތަނަށް އާމްދަނީގެ ގޮތުގައި 390.3 މިލިއަން ރުފިޔާ ލިބިފައިވެ އެވެ. މިދިޔަ އަހަރު ލިބިފައިވަނީ 474.7 މިލިއަން ރުފިޔާ އެވެ.